Kachańnie i seks2121

Padčas ciažarnaści zakachałasia ŭ siabra muža: minskaja błohierka padzialiłasia bolem

Što rabić, kali vy z mužam čakajecie dzicia, a ty zrazumieła, što zakachałasia ŭ blizkaha siabra siamji? Tym bolš, kali ŭ siabra jość dziaŭčyna. Minskaja błohierka ŭ tyktoku padzialiłasia składanaj historyjaj.

Skrynšot videa ŭ tyktoku

— Pačniom z taho, što, kali b u nas byli dobryja adnosiny z mužam, dyk naŭrad ci ja b zakachałasia ŭ jaho siabra. Pieršapačatkova my sprabavali siabravać parami: ja z mužam i jahony siabra sa svajoj dziaŭčynaj. Tak, na toj momant u siabra była dziaŭčyna — jany davoli doŭha byli razam.

Dalej błohierka, jakuju zavuć Dzina, raspaviała, što niešta pajšło nie pa płanie. Druhoj dziaŭčynie čymści nie spadabałasia kampanija — u vyniku siabravać jany stali ŭtroch.

— My vielmi časta bavili čas razam. I siabar nadavaŭ mnie našmat bolš uvahi, čym muž. Kaniečnie, jon nie daryŭ mnie bukiety, nie zalacaŭsia da mianie adkryta. Prosta pavodziŭ siabie vielmi miła. 

Žančyna kaža, što, moža, i ciažarnaść syhrała svaju rolu, bo jana adčuvała patrebu ŭ ciepłyni i padtrymcy — i atrymlivała jana heta nie ad muža.

— Kali ja zhadvaju naša znajomstva, dyk heta, mabyć, byŭ pieršy mužčyna ŭ maim žyćci, jaki spadabaŭsia mnie ŭžo paśla doŭhich znosin. Spačatku źniešnie jon mnie nie spadabaŭsia zusim. Heta nie było kachańnie ź pieršaha pohladu. Ale jon byŭ uvieś čas pobač u ciažkija momanty žyćcia. Vielmi šmat dapamahaŭ i vyhladaŭ jak sapraŭdny prync na biełym kani. Mnie zdajecca, jon cudoŭna hety vobraz padtrymlivaŭ. A ja była 19-hadovaj durnicaj, jakaja pad harmonami zakachałasia.

@larr.dina1

♬ orihinalnyj zvuk - DINA

U druhim videa Dzina raspaviała pra sumny kančatak historyi.

— Spojler: skončyłasia ŭsio hańbaj dla mianie. Ja pierajechała ad svajho ŭžo byłoha muža, zastałasia adna ŭ čužym horadzie, chvalavałasia, ci chopić mnie hrošaj na ježu, na arendu — vialiki stres. Nie razumieła, što rabić — u mianie pieršaje dzicia, niama nijakich svajakoŭ.

I hety siabar znoŭ apynuŭsia pobač — my kamunikavali, jon mnie dapamahaŭ vyrašyć niejkija pytańni. Heta ŭviało mianie ŭ stupar. Ja dumała, što čałaviek mnie nie prosta dapamahaje, a taksama zakachany ŭ mianie.

Ale ž u chutkim časie jany pierastali kamunikavać. Praz hod Dzina zrazumieła, što ŭsio jašče kachaje taho chłopca.

— Viedajecie, heta toje kachańnie, kali ty kachaješ nie čałavieka, a jaho pryhožy vobraz. Takaja historyja była ŭ majoj adnakłaśnicy, jakaja zakachałasia ŭ staršakłaśnika i try hady jaho kachała niahledziačy na toje, što navat nie była ź im znajomaja. Heta prosta fantazii. Mabyć, maja psichika sprabavała niejak abstrahavacca ad prablem.

Dzina vyrašyła napisać chłopcu ab tym, što jon joj padabajecca. Ale ž toj adkazaŭ, što heta nie ŭzajemna.

Praź niekalki miesiacaŭ žančyna vyrašyła jašče raz napisać kachanamu.

— Ja ŭjaŭlaju jaho tvar, kali jon usio heta čytaŭ. Heta hańba. Dziakuj, što paśla hetaha ŭ mianie narešcie raspluščylisia vočy.

Pieršaje videa nabrała za sutki kala 425 tysiač prahladaŭ i bolš za 10 tysiač łajkaŭ, druhoje — 41 tysiaču prahladaŭ i 1500 łajkaŭ.

Kaniečnie, pačałasia aktyŭnaja dyskusija. Niechta asudziŭ błohierku, a niechta pastaviŭsia da historyi z parazumieńniem: «U majho pieršaha muža byŭ siabar, ja dumała, čamu nie jon mnie sustreŭsia raniej. Vy nie adna takaja».

Znajšlisia i tyja, chto taksama traplaŭ u nieadnaznačnyja situacyi. Adna z kamientatarak napisała: «Siabar muža pavinien byŭ stać śviedkam na viasielli. Pierad viasiellem jon pryznaŭsia ŭ pačućciach i chacieŭ, kab ja syšła da jaho. Ja skazała, pryjazdžaj na viasielle, ja kachaju muža. Siabar nie pryjechaŭ».

Kamientary21

  • Tik Tok pulu v łob
    30.03.2024
    Nado vyklučť intierniet. Mieńšie staniet idiotov. 
  • Soniejka
    30.03.2024
    Usio byvaje. Asabliva kali muž-mudak
  • Vadzim
    30.03.2024
    Zakachacca možna ŭ vobraz. Asabliva ŭ 19. Niama hańby ŭ tym, što mała dośviedu ŭ pačućciach i stasunkach. A voś hańbić siabie za pačućci - heta dakładna darma.
    Syści ad čałavieka kali nia chočaš ź im žyć - prajavić da jaho pavahu.
    Napisała, vyśvietliła - małajčyna. Zrazumieła situacyju i pryniała adsutnaść pačućciaŭ - zachavała hodnaść.
    Niama tut nidzie nijakaj hańby.
    Hańba heta hańbić inšych za pačućci i ŭraźlivaść.

Ciapier čytajuć

Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia16

Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia

Usie naviny →
Usie naviny

U Polščy zatrymali biełarusa ź pistaletam — jon skazaŭ, što jedzie vajavać u Biełaruś2

Stała viadoma asoba biełarusa, jakoha padazravajuć u vybuchu ŭ Chanty-Mansijsku2

Ekanamist Dźmitryj Kruk daje piesimistyčny prahnoz dla biełaruskaha biznesu. U pradprymalnikaŭ try varyjanty

Kaho prymuć u ES u najbližejšyja hady?1

Abjadnany pierachodny kabiniet Biełarusi chočuć pryznać «terarystyčnaj arhanizacyjaj»1

U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ19

U Rasii za padrychtoŭku dyviersii suprać rasijskaha vajskoŭca zatrymany biełarus

Biełaruski trenier raskazaŭ, jakuju śmiešnuju zadaču jamu pastavili ŭ čempijanacie Kitaja pa chakiei

«Ledź nie zataptali adzin adnaho». Žychary Mahilova stali ŭ vialikuju čarhu. Što razdavali biaspłatna?9

bolš čytanych navin
bolš łajkanych navin

Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia16

Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić