Damiennyja imiony internet-resursaŭ, uklučanych u respublikanski pieralik ekstremisckich materyjałaŭ, buduć anulavanyja. Heta praduhledžana zahadam Apieratyŭna-analityčnaha centra pry prezidencie, jaki apublikavany na Nacyjanalnym pravavym partale.
Havorka idzie ab identyfikatarach, zarehistravanych u nacyjanalnaj damiennaj zonie by.
Anulavać buduć pa rašeńni administratara nacyjanalnaj damiennaj zony paśla ŭklučeńnia resursu ŭ respublikanski śpis ekstremisckich materyjałaŭ i z ukazańniem jaho identyfikatara.
Paśla anulavańnia zapisu ab rehistracyi damiennaha imia jaho spyniajuć administravać.
Anulavanaje damiennaje imia ekstremisckaha resursu ŭniasuć u śpiecyjalny pieralik u składzie bazy danych damiennych imionaŭ nacyjanalnaj zony. Paśla hetaha jano stanovicca niedastupnym dla rehistracyi na praciahu pieryjadu znachodžańnia adpaviednaj infarmacyjnaj pradukcyi ŭ śpisie ekstremisckich materyjałaŭ.
U dakumiencie taksama prapisana, što vykarystańnie damiennych imionaŭ, jakija znachodziacca ŭ śpiecyjalnym pieraliku, dapuskajecca tolki ŭ «intaresach nacyjanalnaj biaśpieki».
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary