Pačalisia litoŭska-polskija vajskovyja vučeńni ŭ Suvałkskim kalidory
Uzbrojenyja siły Litvy i Polščy 21 krasavika pačali sumiesnyja taktyčnyja vučeńni «Advažny hryfon» u rajonie Suvałkskaha kalidoru. U hetych vučeńniach taksama prymuć udzieł sajuźniki z ZŠA i Partuhalii, piša LRT.
Pa paviedamleńni vajskovaj pres-słužby, padčas vučeńniaŭ 1,5 tys. vajskoŭcaŭ piachotnaj bryhady «Žemajcija» im. Vialikaha hietmana Litoŭskaha Jana Chadkieviča sumiesna z sajuźnikami aprabujuć abarončyja scenary ŭ tak zvanym Suvałkskim kalidory ŭ adpaviednaści z dvuchbakovym litoŭska-polskim «Aršanskim płanam».
Hety płan u 2022 hodzie padrychtavali kamandujučyja litoŭskaj i polskaj armijami, bolšaja jaho častka zasakrečana.
Suvałkski kalidor — heta pamiežny ŭčastak pamiž Litvoj i Polščaj, jaki z zachadu miažuje z Kalininhradskaj vobłaściu, a z uschodu — ź Biełaruśsiu.
Vučeńni praciahnucca da 26 krasavika.
Adnačasova ŭ Litvie praciahvajucca vučeńni «Udar miača», arhanizavanyja Uzbrojenymi siłami ZŠA.
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha8
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
Kamientary
bolšaja častka «Aršanskaha płana» zasakrečana. Spadziajusia tam ničoha niama pra žadańnie letuvisaŭ zachapić našu Oršu.
Chacia chto ich viedaje, ź ich letuvisizmam, što ŭ ich u hałavie.
Skažycie im tam, što kali chto i budzie napadać, dyk heta rasiejskija DRH. I niachaj užo adčepiacca ad nacyjanalna-aryjentavanych biełarusaŭ, jakija suprać rasiejskaj impieryi.