U Jeŭropie prapanujuć uvieści novyja ekanamičnyja sankcyi suprać režymu Łukašenki
Šerah krain Jeŭrasajuza prapanujuć uvieści novyja ekanamičnyja sankcyi suprać režymu Łukašenki ŭ Biełarusi. Pra novyja prapanovy paviedamili infarmavanyja krynicy «Radyjo Svaboda» ŭ Bruseli.
Abmierkavańnie prapanoŭ čakajecca na hetym tydni ŭ Jeŭrakamisii z udziełam pradstaŭnikoŭ usich 27 krain Jeŭrasajuza. Pavodle adnoj z krynic «Radyjo Svaboda», nie ŭsie ź ich, chutčej za ŭsio, buduć uchvalenyja.
Prapanujecca pašyryć śpis vysokatechnałahičnych tavaraŭ, ekspart jakich u Biełaruś budzie zabaronieny. U pryvatnaści, prapanujecca zabaranić:
- Ekspart u Biełaruś tavaraŭ, jakija pavialičvajuć pramysłovy patencyjał;
- Ekspart tak zvanych «pradmietaŭ raskošy»;
- Ekspart tavaraŭ dla avijacyjnaj i aerakaśmičnaj pramysłovaści;
- Ekspart tavaraŭ dla naftahazavaj pramysłovaści;
- Ekspart tavaraŭ i technałohij dla marachodnaj pramysłovaści.
Taksama prapanujecca zabaranić ujezd u Jeŭrasajuz pryčepaŭ i paŭpryčepaŭ, zarehistravanych u Biełarusi, i pašyryć zabarony dla finansavaha siektara Biełarusi — u pryvatnaści, na pryjom depazitaŭ ź Biełarusi.
Adznačajecca, što apošnim časam Biełaruś značna naraściła impart šerahu tavaraŭ, u tym liku aptyčnych pryboraŭ i detalaŭ dla hruzavikoŭ, a hetyja tavary mohuć vykarystoŭvacca Rasijaj u jaje vajnie suprać Ukrainy.
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku5
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1616
Kamientary
https://dck8xvlq18iei.cloudfront.net/341309"