Cichanoŭskaja pavinšavała biełarusaŭ ź Pieršamajem i nahadała pra hihanckija terminy abaroncam pravoŭ pracoŭnych
«Nie dazvalajcie ŭščamlać vašyja pravy navat u drobiaziach», — kaža demakratyčny lidar Biełarusi.
«Siońnia ŭ našaj krainie śviatkujuć 1 maja — dzień, jaki pieršapačatkova simvalizavaŭ baraćbu za pravy pracoŭnych i adstojvańnie sacyjalnaj spraviadlivaści. Adnak u Biełarusi my sutykajemsia z trahičnaj ironijaj: abviaściŭšy 1 maja śviatočnym dniom, ułada aktyŭna dušyć niezaležnyja prafsajuzy i abmiažoŭvaje pravy rabočych», — kaža Śviatłana Cichanoŭskaja.
«Dva hady tamu ŭłady likvidavali Biełaruski Kanhres demakratyčnych prafsajuzaŭ i jaho siabroŭskija arhanizacyi: Biełaruski niezaležny prafsajuz, prafsajuz rabotnikaŭ radyjoelektronnaj pramysłovaści, Svabodny prafsajuz Biełaruski i Svabodny prafsajuz mietalistaŭ.
Staršynia BKDP Alaksandr Jarašuk, namieśnik staršyni REP Hienadź Fiadynič pazbaŭlenyja voli tolki za toje, što jany adstojvali intaresy biełaruskich rabotnikaŭ».
«Najlepšy sposab adśviatkavać siońnia 1 maja — heta praciahnuć ich tradycyju baraćby za pravy pracoŭnych. Nie dazvalajcie ŭščamlać vašy pravy navat u drobiaziach. Za źjaŭleńnie hetych pravoŭ užo zapłačana vysokaja cana», — reziumuje Śviatłana Cichanoŭskaja.
***
Alaksandr Jarašuk asudžany na čatyry hady kałonii za zakliki da sankcyj, choć jon vystupaŭ suprać.
Lidary prafsajuzu rabotnikaŭ Radyjoelektronnaj pramysłovaści Hienadź Fiadynič i Vasil Bieraśnioŭ atrymali pa dzieviać hadoŭ kałonii ŭzmocnienaha režymu, Vacłaŭ Areška — vosiem hadoŭ.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5959
Kamientary
Nasamreč 1traŭnia śviatkujuć ci nie pa ŭsioj Jeŭropie.
Otkažiemsia ot ich produktov!
Našie triebovanije: 7 časovoj dień dla rabočich. (A)