Zialenski ŭpieršyniu zajaviŭ, što Biełaruś musić być častkaj Jeŭrasajuza
Na dumku prezidenta Ukrainy Uładzimira Zialenskaha, pašyreńnie ES pavinna vyjści za pieralik dziaržaŭ, jakija ŭžo majuć status kandydata, jano pavinna taksama achapić Biełaruś. Pra heta jon zajaviŭ na supolnaj pres-kanfierencyi z prezidentam Jeŭraparłamienta Rabiertaj Mietsołaj u Kijevie na Dzień Jeŭropy, paviedamlaje «Jeŭrapiejskaja praŭda».
Uładzimir Zialenski padkreśliŭ, što Ukraina čakaje krokaŭ Jeŭrasajuza, nieabchodnych dla pačatku ŭstupnych pieramovaŭ z Ukrainaj, ale pašyreńnie pavinna tyčycca i inšych jeŭrapiejskich dziaržaŭ.
«My vykanali ŭsie ŭmovy dla taho, kab u červieni była zaćvierdžanaja pieramoŭnaja ramka i realna pačalisia pieramovy ab ustupleńni Ukrainy ŭ Jeŭrasajuz. Hetak ža važna, kab dla inšych narodaŭ, jakija zasłuhoŭvajuć być u Jeŭrasajuzie — jeŭrapiejskaje adzinstva sapraŭdy pracavała, kab jany taksama realizavali svoj kandydacki status», — rastłumačyŭ Zialenski.
Prezident Ukrainy taksama akreśliŭ pieralik dziaržaŭ, jakija jon bačyć u składzie budučaha Jeŭrasajuza.
«Jeŭropa — heta i Bałkany, i Małdova, i budzie abaviazkova Dzień Jeŭropy dla Hruzii i Dzień Jeŭropy dla Biełarusi», — zajaviŭ jon, upieršyniu abviaściŭšy bačańnie Ukrainy adnosna budučaha ŭstupleńnia Biełarusi ŭ ES.
Charakterna, što ŭ hetym pieraliku dziaržaŭ jon nie nazvaŭ Turcyju, jakaja farmalna maje status krainy-kandydata, ale pieramovy ź jakoj spynienyja.
Zialenski taksama dadaŭ, što hetuju pazicyju padzialajuć i pradstaŭniki Jeŭrapiejskaha parłamienta.
«Usio heta ŭžo adlustravana pazicyjami Jeŭraparłamienta, i sapraŭdy važna ŭsio heta realizavać», — padkreśliŭ jon.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy31
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary