U Hrodzienskim abłasnym sudzie na siońnia pryznačany razhlad kryminalnaj spravy žychara Lidy Paŭła Łukaševiča.
Jaho abvinavačvajuć u «abrazie pradstaŭnika ŭłady» (art. 369 KK), «abrazie sudździ albo narodnaha zasiadaciela» (art. 391 KK) i «stvareńni ekstremisckaha farmavańnia albo ŭdziele ŭ im» (č. 3 art. 361-1 KK), piša «Viasna».
Spravu budzie razhladać sudździa Juryj Kazakievič.
Pavieł pracavaŭ u filijale kampanii «Biełteks optyk». Jaho zatrymali 22 vieraśnia 2023 hoda i pieršapačatkova pakarali administracyjnym aryštam na 15 sutak.
Paśla zatrymańnia źjaviłasia videa, u jakim zatrymany kaža:
«Ja — žychar horada Lidy. Byŭ zatrymany supracoŭnikami milicyi za toje, što zarehistravaŭsia ŭ čat-bocie płana «Pieramoha», U telehram-miesiendžary vykazvaŭ pahrozy supracoŭnikam milicyi, abražaŭ dziejnaha prezidenta i sudździu. U płanie «Pieramoha» zarehistravaŭsia vyklučna ź cikavaści».
U toj ža dzień siłaviki zatrymali i niepasrednaha načalnika Paŭła — majstra Alaksandra Aniskieviča, jaki, vałodajučy infarmacyjaj, 21 vieraśnia paśpieŭ papiaredzić Łukaševiča ab tym, što jaho chočuć zatrymać, paśla čaho mužčyna sprabavaŭ schavacca,. Aniskieviča pakarali štrafam u pamiery 30 bazavych vieličyń.
Padtrymajcie Paŭła: Turma-1, Hrodna vuł. Kirava 1, 230023, Pavieł Jurjevič Łukaševič.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt23
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary