Heta moža być vynikam nastupu rasijskich sił na charkaŭskim kirunku.
Na asnovie adkrytych krynic Bi-bi-si sumiesna z vydańniem «Miedyjazona» i kamandaj vałancioraŭ udałosia ŭstanavić imiony 53 586 rasijskich vajennych, jakija zahinuli padčas uvarvańnia va Ukrainu za dva hady i amal dva miesiacy.
Štotydniovyja pakazčyki paćvierdžanych strat Rasii znoŭ pačali raści, što moža być vynikam nastupu rasijskich sił na charkaŭskim kirunku.
Za apošnija dva tydni paćvierdziłasia hibiel jašče 1431 čałavieka, što vyšej za siarednija pakazčyki strat 2022 i 2023 hoda.
Samaj chutkarosłaj katehoryjaj strat na dadzienym etapie źjaŭlajucca dobraachvotniki. Z vosieni 2023 hoda my fiksujem rezki i istotny rost zahinułych mienavita ŭ hetaj hrupie. Z kastryčnika štotydniovyja straty dobraachvotnikaŭ nie apuskalisia nižej za 75 čałaviek u tydzień, niaredka pieravyšajučy pakazčyk 100 čałaviek u tydzień.
Heta moža być u pieršuju čarhu źviazana z tym, jak mienavita zaraz papaŭniaje svaje šerahi Minabarony Rasii.
Kab paźbiehnuć nieabchodnaści pravodzić novuju chvalu mabilizacyi, rasijskija čynoŭniki zasiarodzilisia na aktyŭnaj viarboŭcy na front ludziej, jakich moža zacikavić pierśpiektyva stabilnaha i vysokaha zarobku, niachaj i va ŭmovach pavyšanaj ryzyki.
Ciapier čytajuć
Stali viadomyja padrabiaznaści pra trahiedyju ŭ Połackim manastyry15
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary