Łukašenka i Pucin abmiarkoŭvajuć vučeńni pa prymianieńni niestratehičnaj jadziernaj zbroi
Uładzimir Pucin prylacieŭ u Minsk u čaćvier pozna viečaram. Łukašenka asabista sustreŭ jaho ŭ aeraporcie.
Pucin paćvierdziŭ płany abmierkavać z Łukašenkam vučeńni pa prymianieńni niestratehičnaj jadziernaj zbroi. Pra heta jon zajaviŭ paśla prylotu ŭ Minsk, piša BiełTA.
«Pahavorym, viadoma, i pra druhuju fazu vučeńniaŭ (pa adpracoŭcy prymianieńnia niestratehičnaj jadziernaj zbroi). Heta źviazana z pramym udziełam našych biełaruskich siabroŭ, kaleh u vajennaj śfiery ŭ hetych mierapryjemstvach», — skazaŭ rasijski lidar.
Pucin taksama adznačyŭ, što ŭ bakoŭ vialiki paradak dnia i jon rady, što ŭdałosia pryjechać viečaram 23 maja, kab u niefarmalnaj abstanoŭcy pahavaryć pa ŭsich temach.
«U mianie paśla pieramovaŭ z našymi arabskimi siabrami była takaja vialikaja sustreča z členami ŭrada. Havaryli jakraz pra moj vizit da vas.
Praktyčna pa ŭsich napramkach prajšlisia — i pa pramysłovaj kaapieracyi, pa enierhietycy, pa sielskaj haspadarcy, pa pytańniach biaśpieki. Napeŭna, paŭ-urada było. Niekatoryja pryjeduć, buduć udzielničać u pieramovach. Tyja, kaho nie budzie tut, tyja pieradavali pryvitańnie i pažadali dabrabytu Biełarusi, — raspavioŭ rasijski lidar. — Mnohaje zroblena našymi kalehami za apošni čas.
Znoŭ ža, pry niepasrednym vašym udziele, pry padtrymcy. My ŭsio heta abmiarkujem, u tym liku i pytańni biaśpieki, jakim vy ŭdzialajecie pastajanna vialikuju ŭvahu. Tut taksama jość pra što pahavaryć. Usio ŭ nas stabilna składvajecca, dobra».
«Dumaju, jak zvyčajna, my pytańni biaśpieki — na pieršy płan. A ŭ piatnicu abmiarkujem ekanamičnyja pytańni razam z našymi kalehami z uradaŭ», — skazaŭ u svaju čarhu Łukašenka.
-
Pasolstva Polščy ŭ Minsku źmianiaje praviły pryjomu dakumientaŭ na kartu palaka
-
Słavienija zapłacić biełarusu amal 100 tysiač jeŭra za toje, što na jaho naviali pistalet pry zatrymańni, a paśla pratrymali hod za kratami
-
«Pahroza biaśpiecy kaleh». Zazulinskaja patłumačyła, čamu ŭ «Jeŭrapiejskim vybary» pierastali daviarać Mamajevaj
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary