Zdaroŭje44

29 kiłahram u try hady: minčanka haduje dačku ź ciažkaj chvarobaj, a chiejtary prapanujuć pierastać davać ježu viodrami

Dačce Julijany Taratuty chutka spoŭnicca ŭsiaho 3 hady, ale važyć dziaŭčynka ŭžo 29 kiłahram. Šmat chiejtaraŭ pišuć maci, jakaja davoli aktyŭnaja ŭ sacyjalnych sietkach, što nie treba davać dziciaci ježu viodrami. Ale sprava nie ŭ charčavańni, a ŭ ciažkaj chvarobie. Pra heta žančyna ciarpliva raspaviadaje ŭ błohu.

Skrynšot videa ŭ tyktoku

Niezvyčajnuju dziaŭčynku baćki łaskava nazyvajuć Małaja Pa. Jaje vielmi čakali — ciažarnaść u maci praciakała idealna.

U intervju partału 24health.by Julijana raspaviadała, što ŭ radzilniu 5-j balnicy Minska jana pryjechała ŭ akušerski termin 42 tydni i 3 dni, bo rody nie pačynalisia samastojna. Tam navat daktary ździvilisia: niahledziačy na vialiki termin ciažarnaści, zhodna z UHD termin składaŭ usiaho 35 tydniaŭ. Kali na nastupny dzień daśledavańnie paŭtaryli, to źmianili termin na 37 tydniaŭ i 3 dni — usio roŭna našmat mienšy za akušerski.

Daktary vyrašyli stymulavać rody. Naradziłasia Palina nie vielmi vialikaj (mienš za 3 kiłahramy) i słabieńkaj — u dziciaci navat nie było siłaŭ zakryčać i pačać smaktać małodziva.

Pieršyja miesiacy žyćcia dziaŭčynka vielmi drenna nabirała vahu. Potym pačała nabirać bolš-mienš normu, alo ŭsio roŭna vyhladała słabieńkaj. Kali Małoj Pa było 4 miesiacy, piedyjatr paraiŭ zdać analizy na harmony, bo jaje skura vyhladała aciokłaj. Ale vyniki nikoha nie napužali — usio było pa nižniaj miažy normy.

— Potym nam pačali kazać: «Vam užo 6 miesiacaŭ, pačynajcie davać brokali, dziciačaje piečyva dla naboru vahi (jano ž kałaryjnaje), dziciačaje piure, možacie sprabavać soki», — raspaviadała paźniej u storys Julijana. — I kali ja pabačyła, što majo dzicio ich jeść i nabiraje vahu, dla mianie heta stała pieramohaj. Tamu što ŭvieś čas kazali: «Dzicia niedabiraje», — a tut narešcie ŭsio stała dobra. Z šostaha pa siomy miesiac jana nabrała kiłahram.

Na ahladzie ŭ hod piedyjatr znoŭ paraiŭ zdać analiz na harmony. Raptam vyśvietliłasia, što ŭ dziaŭčynki prablemy sa ščytapadobnaj załozaj — jana nie vypracoŭvaje dastatkovaj kolkaści harmonaŭ. U vyniku doŭhich abśledavańniaŭ u roznych ustanovach achovy zdaroŭja Palinie pastavili dyjahnaz hipateryjoz.

Kaniešnie, ciažkaja chvaroba ŭpłyvaje na toje, jak raźvivajecca dzicia. U Paliny ŭskładnienaja forma marbidnaha atłuścieńnia i zatrymka psichamatornaha i maŭlenčaha raźvićcia z myšačnaj hipatanijaj. Niadaŭna siamja aformiła joj invalidnaść, choć maralna na heta było składana rašycca.

@yuliana_taratuta Vsie, kto diełajut riepost i pišut 100 tonn, pudž i pročieje idut v błok! Eto proizošło 6 marta Ja tak sčastliva #dieti #diekriet #riebienok #mamaidoċ #riek #riekomiendacii #chočuvriek #tołstyj #kommientarii #łajvstajł #choťba #sieḿja #chiejtiery #spasibo #zdorov́je #piervyješahi #małyškaPo ♬ son original - kamar't

Svaje pieršyja kroki Małaja Pa zrabiła tolki ŭ 2 hady i 9 miesiacaŭ. Videa z hetaj hrandyjoznaj dla baćkoŭ padziejaj nabrała ŭ tyktoku 5,4 miljona prahladaŭ, bolš za 122 tysiačy łajkaŭ i kala 13 tysiač kamientaryjaŭ. Na žal, nie ŭsie kamientatary pasprabavali razabracca ŭ situacyi — mnohija stali pisać abraźlivyja paviedamleńni, a niechta navat paprakaŭ mamu ŭ tym, što dziaŭčynku raskarmili dziela chajpu.

Julijana była vymušana zapisać rolik, u jakim pakazała «viadro ježy», jakoje, pa śćviardžeńni chiejtaraŭ, jana daje Palinie. Maci ŭzvažyła na kuchonnych vahach śniadanak — talerku aŭsianki ź jahadami. Atrymałasia, što vaha ježy z talerkaj 498 hram, ź jakich 394 važyć sama talerka. Vaha ž samaj porcyi — 104 hrama.

@yuliana_taratuta Obsuždajemaja tiema VIEDRA JEDY #choťba #riebienok #mamaidoċ #riek #riekomiendacii #chočuvriek #tołstyj #kommientarii #łajvstajł #choťba #sieḿja #chiejtiery #spasibo #zdorov́je #ieda ♬ Solas - Gibran Alcocer

Hetaje videa nabrała ŭ tyktoku 9,5 miljona prahladaŭ, 219 tysiač łajkaŭ i 12 tysiač kamientaryjaŭ. Sumna, ale i ŭ hety raz chiejtaraŭ u kamientaryjach znajšłosia niamała. Ale Julijana nie płanuje kidać błohierstva i vieryć, što kali-niebudź ludzi pačnuć dumać i razvažać inakš.

Kamientary4

  • :/
    25.05.2024
    "Problema raźvitija patołohii ŝitovidnoj žielezy stała aktualnoj pośle avarii na Čiernobylskoj AES, kohda nasielenije podvierhliś vozdiejstviju I-131. V riezultatie obłučienija śnižajetsia funkcija ŝitovidnoj žielezy s pośledujuŝim vozmožnym raźvitijem hipotirieoza."
  • Biełarus
    25.05.2024
    Zdaroŭja i vytramki baćkam i ich dačce.
  • Soniejka
    27.05.2024
    Škada dzicio(((

Ciapier čytajuć

Što moža čakać tych, kaho buduć sudzić pa spravie «Biełaruskaha Hajuna»?

Što moža čakać tych, kaho buduć sudzić pa spravie «Biełaruskaha Hajuna»?

Usie naviny →
Usie naviny

Izrailskaja rakieta ŭdaryła pa rezidencyi Viarchoŭnaha lidara Irana Ali Siejeda Chamieniei3

Padčas izrailskaj ataki na Iran zabili kamandzira śpiecpadraździaleńnia «Kuds»1

Nietańjachu ŭvioŭ Iran u zman z dapamohaj viasiella, a Tramp — svaimi zajavami8

Izrail pačaŭ novuju chvalu ŭdaraŭ pa Iranie12

Tramp: Niezrazumieła, ci zastałasia ŭ Irana jadziernaja prahrama3

«Raniej byŭ smačniejšy». U tyktoku abmierkavali minułaje i sučasnaść kvasu z žoŭtaj bočki6

U Minsku źjavilisia «čystamaty». Što heta takoje i jak jany pracujuć?10

«Ja ŭžo adnojčy ŭciakaŭ ad dyktatury». U ZŠA syna biełaruskaha palityčnaha ŭciekača chočuć departavać pa novaj schiemie Trampa31

Biełaruskija ajcišniki źjazdžajuć ź Litvy? Jak źmianiajecca kolkaść biełarusaŭ u Litvie pa typach DNŽ12

bolš čytanych navin
bolš łajkanych navin

Što moža čakać tych, kaho buduć sudzić pa spravie «Biełaruskaha Hajuna»?

Što moža čakać tych, kaho buduć sudzić pa spravie «Biełaruskaha Hajuna»?

Hałoŭnaje
Usie naviny →

Zaŭvaha:

 

 

 

 

Zakryć Paviedamić