Fantastyka ŭ stykach Hiermanii! 16-ju kamandu Bundeślihi «pachavali» paśla chatnich 0:3, a jana ŭ haściach ździejśniła nievierahodny kambek
«Bochum» pakinuŭ «Fartunu» ŭ druhoj lizie. Usio vyrašyła sieryja pienalci.
Stykavyja matčy za prava zhulać u Bundeślizie — ahoń! Choć paśla pieršaj hulni zdavałasia, što na intryhu varta zabycca, piša Championat.com
Rehłamient u Hiermanii taki, što treciaja z kanca kamanda Bundeślihi pravodzić stykavyja matčy z trecim kłubam druhoha dyvizijona. Mienavita tak «Bochum» i «Fartuna» znajšli adzin adnaho. U pieršym matčy kłub ź Dziusieldorfa prybiŭ supiernika na vyjeździe — 3:0. Napeŭna, tolki samyja addanyja zaŭziatary «Bochuma» vieryli, što ich kamanda aformić hrandyjozny kambek.
Paru słoŭ pra fanataŭ 16-j kamandy Bundeślihi. Najbolš radykalnyja pakazvali hulcam svajoj kamandy nieprystojnyja žesty paśla prynižeńnia ŭ pieršym matčy. Mahčyma, takija pačvarnyja pavodziny zaŭziataraŭ dobra rasšturchali hulcoŭ «Bochuma». A jak jašče rastłumačyć toje, što adbyłosia ŭ Dziusieldorfie?
U kancoŭcy druhoha tajma režysior tranślacyi rehularna braŭ bujnyja płany zaŭziataraŭ «Fartuny» na trybunach.
Ludzi chapalisia za hałavu, ź ciažkaściu strymlivali ślozy ad chvalavańnia, niervova papraŭlali vałasy, a chtości prasiŭ dapamohi ŭ Boha. Čakajcie, ale ž ich kamanda vyjhrała pieršy matč z roźnicaj u try hały. I ŭsio ž niešta pajšło nie tak.
Filip Chofman aformiŭ dubl, a Kievin Štehier nabraŭ 3 (1+2) bały pa sistemie «hoł+pas». Kali što, heta dva futbalisty «Bochuma».
Da 70-j chviliny hości pieratvaryli 0:3 u 3:3 pa sumie dvuch matčaŭ. Asobnaje pryvitańnie fanatam «Bochuma» i ich nieprystojnym žestam pa vynikach pieršaha matču.
U asnoŭny čas hledačy bolš hałoŭ nie ŭbačyli, u dadatkovy — taksama. Choć u kancoŭcy futbalisty «Bochuma» vynieśli miač ź linii varot.
Sprava dajšła da sieryi pienalci — treba ž było dadać jašče bolš dramy. Spačatku niervy nie vytrymali ŭ Andre Chofmana — jaho ŭdar adbiŭ bramnik «Bochuma» Andreas Lute. Krychu paźniej užo hałkipier haspadaroŭ Fłaryjan Kastenmajer paciahnuŭ streł Erchana Mašaviča. Paśla piaci ŭdaraŭ kožnaja z kamand realizavała pa čatyry sproby.
Vyrašalnym byŭ udar Takasi Ucina — japoniec z «Fartuny» zapuściŭ miač nad pierakładzinaj. Pakul adnakłubniki suciašali japonca, futbalisty «Bochuma» rynulisia da siektara sa svaimi fanatami. A tyja zapalili ŭ pramym sensie hetaha słova — kidali na radaściach piratechniku.
«Bochum» zachavaŭ miesca ŭ Bundeślizie.
Futbolny Jeŭra-2024 pa BT pakazvać nie buduć
Hary Kiejn staŭ uładalnikam «Załatoj bucy» jak najlepšy bambardzir jeŭrapiejskich lih
Furor ukraincaŭ u Ispanii — u adnym matčy Doŭbik zabiŭ try hały, Cyhankoŭ — dva. VIDEA
Kryšcijanu Ranałdu moža viarnucca ŭ top-čempijanat
56 udaraŭ: u Izraili pastavili suśvietny rekord u sieryi pienalci
Ciapier čytajuć
Ad 300 000 da 500 000 dalaraŭ. Stała viadoma, chto pryvioz Džejsana Deruła ŭ Biełaruś4
Kamientary