Krainy NATA paprasili Zialenskaha nie patrabavać siabroŭstva Ukrainy ŭ aljansie
Hałoŭnym čynam suprać udakładnieńnia terminaŭ ustupleńnia Ukrainy ŭ aljans i paskareńnia hetaj pracedury vystupajuć ZŠA i Hiermanija.
Sajuźniki Ukrainy paprasili prezidenta Uładzimira Zialenskaha nie patrabavać «niemahčymaha» — chutkaha ŭstupleńnia krainy ŭ NATA, piša Moscow Times sa spasyłkaj na The Telegraph.
U pryvatnaści, Zialenskaha prosiać nie cisnuć na asobnych členaŭ aljansu, kab jany nie vystupali ŭ padtrymku dakładnaha hrafika ŭklučeńnia Ukrainy ŭ skład błoka. Heta źviazana z raskołam u aljansie pa hetym pytańni, jaki ŭźnik jašče letaś.
Hałoŭnym čynam suprać udakładnieńnia terminaŭ ustupleńnia Ukrainy ŭ aljans i paskareńnia hetaj pracedury vystupajuć ZŠA i Hiermanija
Jany bajacca ŭciahvańnia NATA ŭ kanflikt z Rasijaj u vyniku takoha kroku. U toj ža čas Vialikabrytanija, Litva i Francyja nastojvajuć, kab vynikovy dakumient lipieńskaha samitu NATA ŭ Vašynhtonie źmiaščaŭ słova «zaprašeńnie» ŭ jakoj-niebudź farmuloŭcy.
Pa danych The Telegraph, na hety momant sajuźniki pryjšli da pahadnieńnia, pavodle jakoha na budučym samicie budzie zaćvierdžana darožnaja karta ŭstupleńnia Ukrainy ŭ NATA ŭ znak padtrymki hetaha pracesu.
«Heta nie zaprašeńnie, ale heta najbolš blizki da hetaha krok», — rastłumačyŭ vydańniu nienazvany dypłamat.
Ciapier čytajuć
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»11
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3535
Kamientary