Pamierła kotka — vykanaŭca miehapapularnaj u sacsietkach pieśni. Vy dakładna jaje čuli
«Jaje jarkaje śviatło zhasła, ale piaščotny hałasok Kały budzie hučać viečna».
Papularny ŭ sacsietkach aŭtar trekaŭ pad nikam The Kiffness, jaki stvaraje svaje pieśni sa zvyčajnych videa ŭ internecie, asabliva z udziełam kotak, paviedamiŭ ab śmierci adnoj ź jaho samych viadomych hieraiń — kotki pa mianušcy Kała, jakaja prasłaviłasia dziakujučy treku «I go meow».
U kamientarach pad samim trekam, jaki sabraŭ za miesiac bolš za 2,6 miljona prahladaŭ na jutubie i šyroka razyšoŭsia ŭ tyktoku i inšych sacsietkach, The Kiffness siońnia napisaŭ nastupnaje.
«Haspadynia Kały Elizabet padabrała i ŭdačaryła kotku, dumajučy, što jana zusim maleńkaja. Ale paśla taho, jak Kała zachvareła, vieterynary vyśvietlili, što joj kala 12 hadoŭ. Choć jany i byli nastrojeny aptymistyčna, a sama Kała ŭparta zmahałasia za žyćcio, stan kotki tolki paharšaŭsia, i ŭ rešcie rešt jana pamierła na rukach Elizabet ad staraści.
Kali łaska, dałučajciesia da mianie i padziakujcie Elizabet za toje, što jana vychavała Kału, zabrała jaje z vulicy, dała joj dom i za toje, što padzialiłasia sa śvietam unikalnymi videa ź jaje ŭdziełam. Kała palepšyła naša žyćcio i budzie praciahvać rabić heta, navat kali jaje bolš niama z nami», — napisaŭ aŭtar treka «I go meow» u kamientarach pad samoj pieśniaj.
Jon taksama dadaŭ słovy samoj haspadyni Kały, jakaja padziakavała ŭsim za toje, što zrabili žyćcio kotki viečnym.
«Jaje jarkaje śviatło zhasła, ale piaščotny hałasok Kały budzie hučać viečna. Vy ŭsie dazvolili Kale žyć viečna. Ja nikoli nie zabudu, jakaja jana asablivaja. Dziakuj vam usim za toje, što lubicie Kału hetak ža mocna, jak i ja», — pracytavaŭ słovy Elizabet aŭtar pad nikam The Kiffness.
Nahadajem, što zusim niadaŭna pamior jašče adzin papularny hieroj internet-miemaŭ — siba-inu pa mianušcy Kabosu, bolš viadomy jak «Dohie». Sabaku było 18 hadoŭ.
Ciapier čytajuć
Pratasievič: U mianie niama nijakich pierśpiektyŭ, ja nikomu nie patrebien4
Kamientary