U Breście rybak damohsia dostupu da voziera, ale paśla hetaha žycharam vypisali 20 pradpisańniaŭ
U mikrarajonie Hieršony ŭ Breście ŭźnik kanflikt vakoł dostupu da miascovaha voziera. Rybak Dźmitryj apublikavaŭ u tyktoku videa, na jakim pakazaŭ aharodžu z kalučym drotam, što pieraškadžała padyści da vady. Rolik nabraŭ bolš za 325 tysiač prahladaŭ i pryciahnuŭ uvahu kamunalnych słužbaŭ, piša vydańnie Domovita.by.
Paśla hetaha na miesca pryjechała kamisija i vydała žycharam kala 20 pradpisańniaŭ. Ułady patłumačyli, što ziemli pad vodnymi abjektami źjaŭlajucca dziaržaŭnymi, tamu dostup da ich pavinien być svabodnym. Pirsy, mastki i aharodžy, zroblenyja biez adpaviednych dazvołaŭ, pryznali samavolnymi pabudovami.
Žychary ŭžo samastojna razabrali vosiem pirsaŭ. Jašče adzin pirs na vulicy Čarnihaŭskaj pavinny źnieści da 15 vieraśnia. Lehalizavać jaho taksama nielha, bo jon znachodzicca ŭ vodaachoŭnaj zonie.
Adnak častka miascovych žycharoŭ ličyć takoje rašeńnie niespraviadlivym. Jany śćviardžajuć, što hadami za ŭłasnyja hrošy prybirali śmiećcie, kasili travu, čyścili vadajom i budavali biaśpiečnyja mastki, jakimi karystalisia i susiedskija dzieci. Niekatoryja taksama majuć łodki i katamarany, dla jakich nieabchodny biaśpiečny spusk da vady.
Pavodle ŭładaŭ, ciapier vykanana kala 90% vydadzienych pradpisańniaŭ. U vyniku dostup da voziera dla rybakoŭ adnavili, ale žychary, jakija raniej sami dahladali bierah, sprabujuć znajści zakonnyja mahčymaści zachavać choć niekatoryja svaje pabudovy.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary