«My pryjdziem mienavita ŭ hetaje miesca, mienavita siudy». Volha Čamadanava raskazała, jak kreatyŭna sioleta buduć pravodzić vypusknyja
Byłaja pres-sakratarka MUS, a ciapier hałoŭnaja adkaznaja za ideałohiju pa Minsku Volha Čamadanava raskazała ŭ efiry telekanała ANT, jak pavinny być arhanizavanyja vypusknyja viečary. Vyhladaje, što samastojnaści vučniam nie dazvolać navat pry vybary miesca sustrečy śvitanku.
Pavodle mierkavańnia Čamadanavaj, iści ŭ restarany adznačać vypusk školnikam sensu niama nijakaha, bo tam niama ničoha cikavaha. Jana sama ŭvohule «nie razumieje, jakija mohuć być uspaminy adtul». Inšaja reč — školnyja budynki, u jakich budzie arhanizavanaja sapraŭdy cikavaja dzieciam prahrama.
Škołam, jak śćviardžaje Čamadanava, dazvalajecca zaprašać na viečary sustrečy absalutna lubych artystaŭ i viadučych, «siońnia heta ŭrehulavana na zakanadaŭčym uzroŭni».
Jość tolki adno niaznačnaje patrabavańnie — prahrama pavinna adpaviadać hustu dyrektara navučalnaj ustanovy i być uzhodnienaja ź ideołahami.
«Usie prapanovy, viadoma ž, pavinny być uličanyja dyrektaram ustanovy adukacyi, prahrama ŭzhadniajecca z upraŭleńniem kultury: chto zaprašajecca na vypusknyja viečary».
I dobra jašče, što prynamsi mahčymaść vybaru ŭ ciapierašnich vypusknikoŭ pakul dapuskajecca prynamsi tady, kali jany ŭžo praz šmat hadoŭ buduć arhanizoŭvać sustrečy z byłymi adnakłaśnikami. Tam budzie dapuščalny navat restaran:
«Tut jany ŭžo buduć volnyja, samastojna prymać rašeńni, dzie ž jany hetuju sustreču arhanizujuć. A ciapier dla vypusknikoŭ zastajecca hałoŭnym momant raźvitańnia sa škołaj».
Miescy dla sustrečy vypusknikami śvitanku taksama vybirajuć škoły, ale i jany nie pavinny być vypadkovymi:
«Kali heta ŭ sielskaj škole, to ja navat nie biarusia mierkavać, biezumoŭna, heta tradycyjna, miesca kala vadajoma, jak praviła. Nu, dzie ž jašče možna sustrakać śvitanak?
Viadoma, heta ŭžo zahadzia padrychtavanaje peŭnaje miesca: my pryjdziem mienavita ŭ hetaje miesca, mienavita siudy, pabačym, jak budzie ŭzychodzić sonca, i radavacca tamu, što nadyšoŭ novy dzień, a novy dzień — heta novaje žyćcio.
U haradskich škołach, razumiejecie, jak by tam ni było, usie vybirajuć svaju placoŭku, ale jana ŭsio roŭna nieparyŭna źviazana sa škołaj», — patłumačyła Čamadanava.
Pry hetym, na jaje dumku,
«samaje hałoŭnaje — heta kreatyŭna da hetaj spravy pastavicca».
«Sonca, ty za mianie vyjdzieš?» Barysaŭskaj školnicy zrabili prapanovu na vypusknym viečary VIDEA
Minadukacyi kateharyčna zabaraniła vypusknyja ŭ kaviarniach i restaranach
Ci šmat hrošaj sioleta zhubili padradčyki, jakija zajmajucca arhanizacyjaj vypusknych? Akazvajecca, nie ŭsio tak kiepska
Bieź limuzinaŭ i dydžejaŭ, ale z Hodam jakaści. Paśla zaŭvahi Łukašenki ŭ Minsku zabaranili «zališniuju raskošu» na vypusknych
Łukašenka aburyŭsia vypusknymi na limuzinach
Kamientary