Uładzimir Zialenski nazvaŭ vielmi važkim vynikam toje, što rasijanam nie ŭdałosia realizavać Charkaŭskuju apieracyju.
«Havaryŭ siońnia z hałoŭnakamandujučym — u cełym ab situacyi. Vielmi važki vynik — toje, što rasijskaj armii nie ŭdałosia realizavać ich Charkaŭskuju apieracyju. Maksimalna ich zaraz strymlivajem i źniščajem rasijskija padraździaleńni, jakija zachodziać na našu ziamlu i teraryzujuć Charkaŭščynu. Kirunak — uzmocnieny. I budzie jašče ŭzmocnieny«, — skazaŭ jon u viečarovym zvarocie.
Jon dadaŭ, što najciažej ciapier pa danieckich kirunkach.
Zialenski taksama padkreśliŭ, što viadziecca praca nad tym, kab zabiaśpiečyć bolš reziervaŭ dla ŭkrainskaha vojska.
«Ciapier dziakujučy pieramovam i sustrečam u Francyi my majem novyja rašeńni dla ŭkrainskaj abarony — ad Francyi i Złučanych Štataŭ. Jość prahres i pa artyleryi, uklučajučy vytvorčaść va Ukrainie snaradaŭ kalibru 155, rychtujem novuju vytvorčuju płatformu. Budzie taksama bolš mahčymaściaŭ u našaj bajavoj avijacyi i REB. Dziakuj Francyi i Emanuelu asabista za jaho inicyjatyvu i padtrymku našych prapanoŭ pa treniroŭcy našych voinaŭ i zabieśpiačeńni bryhad», — skazaŭ Zialenski.
Jon taksama zajaviŭ, što «ŭžo jość damoŭlenaści z partniorami ab dadatkovych sistemach SPA dla Ukrainy, i niekatoryja z hetych rašeńniaŭ spracujuć bolš apieratyŭna, a častka — bližej da vosieni».
«Vy vyratavali Eŭropu». U Narmandyi Zialenski pakłaniŭsia vieteranu-amierykancu, synu vychadcaŭ ź Biełarusi
«Svaich nie kidajem». Biełarusy źniali dla rasijan prapahandyscki bajavik pra vajnu va Ukrainie
Hod tamu była padarvanaja Kachoŭskaja HES. Što ciapier adbyvajecca na hetych terytoryjach va Ukrainie i jakaja budučynia ich čakaje?
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary