Ułady Irana pryznali, što novy viarchoŭny lidar paranieny — pierałom stupni i parezy na tvary
Ministerstva zamiežnych spraŭ Irana paćvierdziła, što novy viarchoŭny lidar Madžtaba Chamieniei paranieny, ale adčuvaje siabie dobra.
Pra ranieńnie Madžtaby Chamieniei spačatku napisała New York Times sa spasyłkaj na iranskija krynicy. Tady paviedamlałasia pra ranieńnie noh.
CNN paviedamiła, što ŭ 56‑hadovaha Madžtaby Chamieniei pierałom stupni, a taksama siniak kala levaha voka i nievialikija parezy na tvary. Raniej izrailskaja krynica śćviardžała, što jon byŭ paranieny padčas zamachu na jaho žyćcio.
Pasoł Irana na Kipry Alireza Sałaryjan zajaviŭ, što Chamieniei atrymaŭ ranieńni padčas taho ž avijaŭdaru, u vyniku jakoha zahinuŭ jahony baćka — 86‑hadovy były viarchoŭny lidar ajatała Ali Chamieniei — razam jašče ź piaćciu členami siamji.
Z momantu abviaščeńnia 9 sakavika pra jaho abrańnie viarchoŭnym lidaram Madžtaba Chamieniei nie źjaŭlaŭsia publična. Pavodle dypłamata, heta moža tłumačycca jaho traŭmami. Pry hetym syn prezidenta Irana Masuda Piezieškijana zajaviŭ, što novy kiraŭnik krainy znachodzicca ŭ biaśpiecy i surjoznych pryčyn dla kłopatu adnosna jaho stanu niama.
Iranskija dziaržaŭnyja ŚMI pakul vykarystoŭvajuć archiŭnyja videa z udziełam Madžtaby Chamieniei, a taksama vyjavy, stvoranyja z dapamohaj štučnaha intelektu.
Stała viadoma, jakija traŭmy atrymaŭ novy viarchoŭny lidar Irana
«Adsiačeš adnu hałavu — vyrastajuć novyja». Jak kiraŭnictva Irana pabudavała sistemu, jakaja dazvalaje ŭtrymlivać uładu
Novy viarchoŭny lidar Irana moža nie źjaŭlacca na publicy z-za ranieńniaŭ
Łukašenka pavinšavaŭ Madžtabu Chamieniei z abrańniem Viarchoŭnym lidaram Irana
Kamientary
Jon mastak ploskać jazykom.
Jon i Trampu padabajecca.
Spačatku jamu źnieści kupmał, potym upakavać, a potym padaryć. Jaho nažal prymuć tolki ŭ takim vyhladzie, bo za 30+ hod dastaŭ usich.