Duraŭ praz abvał koštu Telegram straciŭ dźvie traciny svajho bahaćcia
Bahaćcie zasnavalnika miesiendžara Telegram Paŭła Durava značna źmienšyłasia. Pavodle časopisa Forbes, jahony kapitał skaraciŭsia z 17,1 miljarda dalaraŭ da 6,6 miljarda, heta značyć prykładna na 61%, piša The Moscow Times.
Asnoŭnaja pryčyna — źnižeńnie acenak padobnych technałahičnych kampanij. Za apošni hod Telegram nie rabiŭ novych adkrytych prezientacyj dla inviestaraŭ, a tamu mahčymaść vychadu kampanii na biržu (IPO) ciapier vyhladaje mienš vierahodnaj. Akramia taho, miesiendžar błakujecca na niekatorych klučavych rynkach, u tym liku ŭ Rasii i Iranie, što taksama ŭpłyvaje na acenku kampanii.
Analityki prapanujuć paraŭnoŭvać Telegram z najbližejšym kankurentam — amierykanskim miesiendžaram Snapchat. Pa kolkaści karystalnikaŭ jany padobnyja: u Snapchat na kaniec 2025 hoda było kala 946 miljonaŭ karystalnikaŭ, a ŭ Telegram — bolš za 1 miljard. Adnak vyručka Snapchat u 2025 hodzie skłała 5,9 miljarda dalaraŭ, što amal utraja bolš za prahnazavanyja 2 miljardy dalaraŭ Telegram. Pry hetym Snapchat zaviaršyŭ hod sa stratami 460 miljonaŭ dalaraŭ, a Telegram pakazaŭ straty 222 miljony dalaraŭ tolki za pieršaje paŭhodździe. Na fonie hetaha kapitalizacyja Snapchat za hod źniziłasia amal udvaja — da 8,7 miljarda dalaraŭ, što paŭpłyvała i na pieraacenku Telegram.
Dadatkovy cisk na finansy kampanii moža akazać nieabchodnaść pahašeńnia ablihacyj. Pieršy vypusk ablihacyj Telegram, raźličany na piać hadoŭ z kuponam 7%, pavinien być pahašany 22 sakavika 2026 hoda. Kampanija ŭžo častkova refinansavała doŭh, ale joj jašče treba vypłacić kala 1,1 miljarda dalaraŭ. U červieni Telegram vypuściŭ novyja ablihacyi na 1,7 miljarda dalaraŭ z bolš vysokaj dachodnaściu — 9%, što śviedčyć pra rost ryzyk dla inviestaraŭ.
Pavieł Duraŭ upieršyniu trapiŭ u rejtynh Forbes u 2016 hodzie, kali jaho bahaćcie aceńvałasia na 600 miljonaŭ dalaraŭ. U 2018 hodzie jon staŭ miljarderam. Najvyšejšuju acenku — kala 17,2 miljarda dalaraŭ — jaho kapitał atrymaŭ u 2021 hodzie, kali Telegram vypuściŭ pieršyja ablihacyi z mahčymaściu abmienu na akcyi paśla budučaha IPO. Tady inviestary aceńvali kampaniju prykładna na 30—35 miljardaŭ dalaraŭ.
Niekatoryja analityki miarkujuć, što Duraŭ moža častkova raźličycca ź inviestarami akcyjami Telegram biez praviadzieńnia IPO. Siarod inviestaraŭ, jakija kuplali apošni vypusk ablihacyj, nazyvajucca bujnyja fondy, u tym liku BlackRock, Abu Dhabi i Mubadala. Mahčyma, im paabiacali dolu ŭ kampanii.
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy13
Kamientary
...iak kažuć kanapnyja eksperty, sa spasyłkami ni na što kankretna )
U tielehrama častkova zakryty kod i adsutničaje šyfravańnie by default.
U košžnaha karystalnika jeść ID jaki nielha pamianiać, a jašče jen pieradaje MAC adras pryłady ź jakoj karystajucca. Rehistracyja pa numary tiełkfonu i toje što Duraŭ błakavaŭ kanały Navalnaha, ale nie błakuje kanały Ztnikaŭ i biełaruskich prapahandystaŭ. Toje što Tielehram vykarystoŭvajecca ŭsimi dziaržaŭnymi rasiejskimi ŭstanovami - navat kali miessandžar byŭ "nibyta" zabłakavany na terytoryi RF.
Jašče pytańniečki jość?