Błohierka zastałasia ŭ zachapleńni ad kramy z tavarami, vyrablenymi źniavolenymi — jaje radaść nie zrazumieli
Błohierka z prajekta Obzoor.by zrabiła ahlad babrujskaj kramy, u jakoj pradajucca tavary, ctvoranyja źniavolenymi. Praŭda, kamientataraŭ začapiła hipierbalizavanaja radaść na tvary viadučaj pry raskazie pra nievysokija ceny.
Sietka kramaŭ «jeDin» (pa-biełarusku — Departamienta vykanańnia pakarańniaŭ) pradaje tavary, stvoranyja na pradpryjemstvach kryminalna-vykanaŭčaj sistemy MUS. Aproč fizičnych kram, u sietki jość sajt.
U babrujskaj kramie pa vulicy Šynnaja, 13 błohierka źviarnuła ŭvahu na draŭlany suvienir u vyhladzie arła za 80 rubloŭ, hadzińnik u vyhladzie hłobusa amal za taki ž košt, raznuju karcinu za 137 rubloŭ, a taksama na manhały ad 16 rubloŭ.
Taksama dziaŭčyna adznačyła jakaść mebli z masivu — naprykład, šafu tut možna nabyć mienš čym za 400 rubloŭ.
Praca na pramysłovych pradpryjemstvach dapamahaje mnohim asudžanym, nie pa palityčnych spravach, vypłacić kampiensacyju paciarpiełym i chutčej vyzvalicca. Za pracu ž, vykananuju palitviaźniami, na ruki addajuć zusim kapiejki. Tak, byŭ pieryjad, kali Viktaru Babaryku za pracu ŭ piakarni płacili 1,60 rubla za miesiac. Paźniej jaho zarobak pavysili da 50 rubloŭ.
Tamu mnohija aburylisia takim zachapleńniem błohierki ad naviedvańnia kramy, dzie dla stvareńnia tavaraŭ u tym liku vykarystoŭvajecca rabskaja praca.
«Hańba vam, Obzoor.by. Praca źniavolenych u nas u krainie = rabskaja praca. A vy jašče heta z takim zachapleńniem padajacie»;
«Ja lepš adpišusia. Niezrazumieła, što jašče z takim ščaślivym tvaram jana budzie rekłamavać»;
«Dziaŭčynie raju vyvučyć pytańnie ŭmoŭ adbyvańnia pakarańnia ŭ biełaruskich turmach. Kolkaść niezakonna asudžanych, katavańniaŭ i rabskaj prymusovaj pracy. Duraść i abmiežavanaść — hałoŭny vorah takich błohieraŭ. Škada, što hetak Obzoor.by źmienšyŭ krytery adboru supracoŭnikaŭ i supracoŭnic»;
«Jaki radasny ahlad, niby pra pirožnyja apovied», — aburylisia niekatoryja biełarusy.
Niekatoryja pisali, što nie stali b kuplać takija tavary, bo ličać, što ŭ ich kiepskaja enierhietyka.
Na što aŭtary prajekta pasprabavali źnizić hradus niehatyvu: «Uśmieška pa žyćci — heta ž niadrenna»
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Dievuškie nado by proviesti ekskursiju "s pohružienijem" v zonie. Navierniaka entuziazma poubavitsia pośle etoho.