16-hadovaj dziaŭčynie prysudzili 10 hadoŭ kałonii za narkotyki i nadpisy
Paśla taho jak jana na pieršym zadańni zhubiła skrutak, joj daručyli zrabić kala 30 rekłamnych nadpisaŭ pra narkotyki.
Sud Babrujskaha rajona prysudziŭ 16-hadovaj dziaŭčynie 10 hadoŭ i 6 miesiacaŭ kałonii, jaje abvinavacili pavodle artykułaŭ ab niezakonnym abarocie narkotykaŭ i apahanieńni budynkaŭ (Častka 4 artykuła 328 i artykuł 341 KK), paviedamlaje mediazonaby.com sa spasyłkaj na pres-słužbu Mahiloŭskaha abłasnoha suda.
U 2023 hodzie dziaŭčyna stała «zakładčycaj», prajšła navučańnie i atrymała pieršaje zadańnie. Joj treba było zabrać sa schovanki skrutak z narkatyčnym srodkam, padzialić na častki i raskłaści ŭ schovanki dla prodažu. Adnak dziaŭčyna zhubiła skrutak.
Za heta ŭ jakaści «spahnańnia» pastaŭščyk narkotyku daručyŭ joj zrabić nie mienš za 30 nadpisaŭ na budynkach u Babrujsku. Nadpisy ŭtrymlivali prapanovy ab pracy ŭ internet-kramie pa prodažy narkotykaŭ.
Paśla hetaha dziaŭčyna atrymała novaje zadańnie, jana zabrała z tajnika 1,65 hram amfietaminu i zachoŭvała jaho doma. Tam jaje i zatrymali.
Dziaŭčyna sprabavała asprečyć prysud u Mahiloŭskim abłasnym sudzie, ale jon pakinuŭ rašeńnie Babrujskaha suda bieź źmienaŭ.
Ciapier čytajuć
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju11
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii99
Kamientary