Transpartniki pačali zmahacca ź pierasadkami ŭ pieršyja aŭtobusy na biełaruska-polskaj miažy
Adpracavanaja raniej schiema, kali padarožniki pierasadžvalisia z apošnich aŭtobusaŭ u pieršyja, pačynaje davać zboj. Usio praz umiašalnictva z boku transpartnaj inśpiekcyi.
Piać-siem hadzin zamiest sutak u čarzie
Čerhi z aŭtobusaŭ na adzinym dziejnym pasažyrskim pierachodzie «Brest» u apošnija miesiacy stali pastajannymi. U pikavyja dni vyjezdu ź Biełarusi čakajuć pa 50-80 aŭtobusaŭ.
Prajezd miažy zajmaje sutki i bolej. Kab skaracić čas čakańnia, biełarusy prydumali łajfchak — pierasadžvacca na volnyja miescy ŭ aŭtobusy, jakija stajać blizu šłahbauma. U zaležnaści ad zahružanaści kiroŭcy brali z pasažyra ad 40 da 150 rubloŭ.
Takija ruchi dazvalali sekanomić navat sutki čakańnia. Takim čynam možna prajści abiedźvie miažy za 5-7 hadzin zamiest 24-42 hadzin.
Transpartnaja inśpiekcyja suprać
Svaje karekciroŭki ŭ pracu schiemy ź pierasadkami namahajucca ŭnieści supracoŭniki transpartnaj inśpiekcyi, jakija ŭčora pryjazdžali z rejdam na hranicu.
Ź ich źjaŭleńniem kiroŭcy aŭtobusaŭ pačali adpraŭlać na vakzał usich achvotnych padsieści ŭ aŭtobus — maŭlaŭ, kvitki možna nabyć tolki tam. Tamu prynamsi niejki čas schiema nie pracavała.
U čatach pišuć, što paśla hetaha padsieści ŭ pieršyja aŭtobusy stała składaniej, bo kiroŭcy bajacca brać pasažyraŭ.
Pry hetym nielha kazać, što padsieści niemahčyma zusim. Padarožniki, jakija siońnia nočču jechali praź miažu, paćviardžajuć, što da ich padsadžvalisia pasažyry z apošnich aŭtobusaŭ.
Taksama ludzi adznačajuć, što biełaruski bok namahajecca jak maha chutčej zapuścić aŭtobusy za šłahbaum. Tady pamiežniki zapisvajuć sabie kolkaść čałaviek u sałonie, i padsieści stanovicca niemahčyma.
Inšym šlacham, jak chutčej dabracca ź Biełarusi ŭ Polšču, zastajecca pajezdka praź Litvu. Prynamsi da ŭviadzieńnia abmiežavańniaŭ na pravoz praduktaŭ biełaruskaj vytvorčaści pajezdki ź Minska abo Hrodna ŭ Varšavu praź Vilniu karystalisia papularnaściu. Dabracca takim čynam da polskaj stalicy zmožna było za 15-17 hadzin z ulikam darohi, prachodžańnia miažy i čakańnia aŭtobusa Vilnia-Varšava.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy80
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary