Łukašenka raskazaŭ, što Markava ŭhavorvali być ministram infarmacyi
Pryznačajučy Marata Markava ministram infarmacyi, Łukašenka pacikaviŭsia, što jaho padšturchnuła da taho, kab pierachodzić ź nibyta žurnalisckaj na čysta čynoŭnuju pasadu. Maŭlaŭ, ci nie akazvałasia na jaho cisku pry pryniaćci rašeńnia. Adkaz davaŭ pieršy namieśnik kiraŭnika administracyi Łukašenki Maksim Ryžankoŭ.
Ryžankoŭ adkazaŭ Łukašenku, što, maŭlaŭ, Markava vybraŭ sam čas. Na pytańnie ž, ci pytalisia zhody samoha vybranaha časam, Ryžankoŭ skazaŭ, što
«my ź im pravodzili sumoŭje, dastatkova ščyryja i adkrytyja razmovy i ŭ mianie asabista, i va Uładzimira Barysaviča [Piarcova]. Heta rašeńnie nie adnaho dnia, byŭ čas i padumać. Na siońnia bolš aŭtarytetnaha čałavieka ŭ infarmacyjnym asiarodździ [niama], heta najlepšy kandydat na siońniašni momant. Čas taki, što najlepšy pavinien kiravać infarmacyjnaj [śfieraj]».
Łukašenka tady spytaŭ u Markava, sam jon pryniaŭ rašeńnie, ci jaho «padcisnuli». I navat zyčliva prapanavaŭ novapryznačanamu čynoŭniku, jaki imhnienna padchapiŭsia z kresła, «prysadžvacca».
Sieŭšy nazad, toj skazaŭ, što čas ciapier sapraŭdy dastatkova surjozny, a praca na telekanale ANT, jaki jon raniej uznačalvaŭ, maŭlaŭ, vybudavanaja. Tamu možna iści i ŭ čynoŭniki.
Na pytańnie ž Łukašenki, chto ž ciapier tam budzie brać intervju ŭ «samych surjoznych ludziej», Markaŭ vykazaŭ hatoŭnaść praciahvać heta rabić i ŭ ministerskim statusie, bo, maŭlaŭ, takija precedenty ŭ historyi byli.
Łukašenka padkreśliŭ, što praca ministra budzie dla Markava asnoŭnaj, ale jon budzie, maŭlaŭ, tolki rady, kali čynoŭnik ź joj budzie spraŭlacca i ŭ jaho zastanucca jašče čas i siły na asabistyja ździajśnieńni na prapahandysckim froncie.
Ruskamirnaja mastačka Žyhimont aburyłasia z nahody pryznačeńnia Markava
Łukašenka raskazaŭ, što pad vybary vydatkavaŭ na prapahandystaŭ «niemałyja hrošy»
Markaŭ: revalucyi ŭ Mininfarmie nie budzie
«Zanadta śmieły, zanadta dziorzki, vydatny strateh». Prapahandysty pačali ablizvać novaha ministra infarmacyi
Marata Markava pryznačyli ministram infarmacyi
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary
mhnovienij viesny let raboty pośle milicii na tielevidienii dali...