Piensijanierka pavieryła ŭ nieisnujučy ŭkład i pieraviała ašukancam usie svaje źbieražeńni
72‑hadovaj minčancy ŭ miesiendžary patelefanavali nibyta supracoŭniki banka i paviedamili, što na jaje imia adkryty ŭkład na 44 000 rubloŭ.
Na piarečańnie piensijanierki, što jana nie afarmlała takich dakumientaŭ, joj dasłali fatahrafiju vypiski z bankaŭskaha rachunku, paviedamlaje «Milicyja Minska».
Paśla ŭžo iłžepravaachoŭniki pierakanali minčanku, što ašukancy zavałodali jaje piersanalnymi danymi i ad jaje imia pravodziać niezakonnyja finansavyja apieracyi.
Piensijanierka, vykonvajučy ŭkazańni afierystaŭ, źniała z asabistaha rachunku 12 000 rubloŭ i 7 razoŭ pieraviała ich praz terminał na «śpiecyjalnyja rachunki».
Tolki viarnuŭšysia dadomu, žančyna zrazumieła, što jaje padmanuli, i źviarnułasia ŭ milicyju.
Paciarpiełaja pryznałasia apieratyŭnikam, što viedała pra takuju schiemu machlarstva, ale razhubiłasia i pavieryła złamyśnikam.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary
[Zredahavana]