Pa słovach krynicy telekanała CNN, novy viarchoŭny lidar Irana Madžtaba Chamieniei atrymaŭ traŭmy ŭ samy pieršy dzień bambardzirovak, jakija ZŠA i Izrail pačali suprać Irana.
Paviedamlajecca, što ŭ 56‑hadovaha Madžtaby Chamieniei pierałom stupni, a taksama siniak kala levaha voka i nievialikija parezy na tvary. Raniej izrailskaja krynica śćviardžała, što jon byŭ paranieny padčas zamachu na jaho žyćcio.
Pasoł Irana na Kipry Alireza Sałaryjan zajaviŭ, što Chamieniei atrymaŭ ranieńni padčas taho ž avijaŭdaru, u vyniku jakoha zahinuŭ jahony baćka — 86‑hadovy były viarchoŭny lidar ajatała Ali Chamieniei — razam jašče ź piaćciu členami siamji.
Z momantu abviaščeńnia 9 sakavika pra jaho abrańnie viarchoŭnym lidaram Madžtaba Chamieniei nie źjaŭlaŭsia publična. Pavodle dypłamata, heta moža tłumačycca jaho traŭmami. Pry hetym syn prezidenta Irana Masuda Piezieškijana zajaviŭ, što novy kiraŭnik krainy znachodzicca ŭ biaśpiecy i surjoznych pryčyn dla kłopatu adnosna jaho stanu niama.
Iranskija dziaržaŭnyja ŚMI pakul vykarystoŭvajuć archiŭnyja videa z udziełam Madžtaby Chamieniei, a taksama vyjavy, stvoranyja z dapamohaj štučnaha intelektu.
Da pryznačeńnia na najvyšejšuju pasadu Madžtaba Chamieniei vioŭ davoli zakryty ład žyćcia, ale ličyŭsia ŭpłyvovaj fihuraj u sietcy ŭłady, stvoranaj jaho baćkam. Jon maje ciesnyja suviazi z Korpusam vartavych isłamskaj revalucyi i pradstaŭnikami iranskaj ekanamičnaj elity. Naziralniki miarkujuć, što jaho palityčnyja pohlady mohuć być navat bolš radykalnymi, čym u baćki.
U 2019 hodzie amierykanski Minfin uvioŭ suprać Madžtaby Chamieniei sankcyi, abvinavaciŭšy jaho ŭ supracoŭnictvie ź iranskimi siłavymi strukturami. Prezident ZŠA Donald Tramp ciapier taksama nazvaŭ jaho pryznačeńnie «nieprymalnym».
Što viadoma pra Madžtabu Chamieniei, jakoha abrali viarchoŭnym lidaram Irana?
Patryjarch Kirył nazvaŭ novaha viarchoŭnaha lidara Irana «darahim bratam»
Kamandujučy elitnaha iranskaha śpiecnaza pracavaŭ na Izrail? Kažuć, jon saskočyŭ z sustrečy ŭ Chamieniei za paŭhadziny da ŭdaru
Łukašenka pavinšavaŭ Madžtabu Chamieniei z abrańniem Viarchoŭnym lidaram Irana
Ciapier čytajuć
Čaćviortuju liniju minskaha mietro paviaduć u Dražniu. A «Ślapianka» i «Daŭhabrodskaja» źmianili svajo miesca4
Kamientary