Sieviaryniec napisaŭ, jak jamu ŭ turmie prapanoŭvali supracoŭnictva
Eks-palitviazień u fejsbuku raskazaŭ pra vietlivuju prapanovu ŭ Hrodzienskaj turmie i čym usio heta skončyłasia. «Nu chacia b vierš napišycie», — pryvioŭ apošni arhumient načalnik.
«U červieni 2024 hoda ŭ Hrodzienskaj turmie mnie vietliva prapanavali supracoŭničać z administracyjaj. Prapanova była zroblena na «kamisii» — heta kali turemnaje načalstva źbirajecca ŭ admysłovym kabiniecie, a viaźniaŭ adnaho za adnym zavodziać u toj kabiniet, razhladajuć papiery, aformlenyja za jakoje-niebudź parušeńnie — i pryznačajuć pakarańnie.
Samo saboj, da prapanovaŭ, jakija hučać u hetym kabiniecie pad uklučanuju kamieru, viaźni staviacca ŭvažliva — bo śledam za tvaim adkazam hučyć vyrak načalnika.
— Sievieriniec, tut u vas raport za narušienije formy odieždy. Narušajetie. Płocho… Nie chotitie ispravlaťsia. Vot čto s vami diełať?..
Načalnik zapytalna ahladvaje svaju kamandu. Maŭlaŭ, bieznadziejny vypadak. Aficery hrebliva kryviać vusny, typu, hetaha recydyvista chiba što mahiła papravić.
— Słušajtie, vy žie rabotali žurnalistom. Napišitie nam čto-nibud́ dla «Trudovoho puti».
Stop. Pryjechali.
— Hramadzianin načalnik, ja ž ekstremist. Jak ja mahu što-niebudź napisać, dy jašče ŭ hazietu Departamienta vykanańnia pakarańnia!
— A vy poprobujtie, — łahodna praciahvaje načalnik. — My, jeśli čto, otriedaktirujem.
— Maje knihi pryznali ekstremisckimi, — kažu. — A ŭjavicie, što budzie, kali pryznajuć chacia b adnu publikacyju ŭ «Trudovom puti»!
— Dy vy choť stichi napišitie, — pačynaje hublać ciarpieńnie načalnik. — My ž znajem, umiejetie.
— Hramadzianin načalnik…
— Da, niet?
— Nie.
- Diesiať sutok ŠIZO. Iditie, podumajtie.
Dumaŭ ja, karaciej, da kanca žniŭnia. Kamisija za kamisijaj. Sutki za sutkami. Dziažurny pry abchodzie kamieraŭ ŠIZA pryjazna cikaviŭsia, ci nia cisnuć na mianie ścieny. Načalnik pahladvaŭ pilnym vokam. Byli stvoranyja ŭsie ŭmovy, kab dobra abdumać prapanovu. U vyniku «Trudovoj puť» zastaŭsia biez karespandenta», — napisaŭ Pavieł Sieviaryniec.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała17
Kamientary