U novy rejtynh miljarderaŭ Forbes uvajšoŭ saŭładalnik rasijska-biełaruskaj hrupy kampanij «Sadružnaść» Alaksandr Łucenka, jaki maje biełaruski pašpart. Praŭda, u śpisie jon paznačany jak adzin sa 155 rasijskich miljarderaŭ, piša vydańnie «Biełorusy i rynok».
Sioleta Łucenka zaniaŭ 2712‑ie miesca z kapitałam kala 1,4 miljarda dalaraŭ. U raźlik pry acency jahonaha bahaćcia brałasia taksama dola ŭ biznesie jahonaj žonki Natalli, jakaja vałodaje 50% kampanii. Biznesmien vałodaje zavodami pa vytvorčaści karmoŭ, składami, vahonami i ofisam u Minsku na praśpiekcie Pieramožcaŭ. Svoj biznes jon pačynaŭ u Biełarusi ŭ 1990‑ia hady.
Alaksandr Łucenka zajmaje pieršaje miesca ŭ śpisie «Top-100 paśpiachovych biznesmienaŭ Biełarusi — 2025».
Akramia jaho, u śpisie miljarderaŭ jość jašče niekalki rasijskich biznesmienaŭ, pachodžańniem źviazanych ź Biełaruśsiu: Andrej Mielničenka, Dźmitryj Maziepin, Alaksandr Jaŭnievič, Uładzimir Mielnikaŭ, a taksama amierykanski inviestar Ihar Tulčynski.
Lidaram novaha rejtynhu Forbes staŭ uładalnik kampanij Tesla i SpaceX Iłan Mask z kapitałam 839 miljardaŭ dalaraŭ. U pieršuju piaciorku taksama ŭvajšli viadomyja pradstaŭniki technałahičnaha biznesu ZŠA: Łary Pejdž i Siarhiej Bryn (Google), Džef Biezas (Amazon) i Mark Cukierbierh (Facebook).
Usiaho ŭ śpis Forbes u 2026 hodzie ŭklučyli rekordnuju kolkaść — 3428 miljarderaŭ, što na 400 čałaviek bolš, čym hodam raniej. Ich sumarny kapitał aceńvajecca na 20,1 tryljona dalaraŭ. Najbolš miljarderaŭ žyvie ŭ ZŠA — 989 čałaviek.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary