Vieranika Capkała: Niezaležnyja ŚMI mohuć atrymać štraf u 30 tysiač jeŭra za krytyku Cichanoŭskaj
U novym vypusku tok-šou «Žyćcio-malina» Vieranika Capkała vykazała svoj pohlad na demakratyčnyja ŚMI, jakija, na jaje dumku, arhanizoŭvajuć infarmacyjnyja kampanii suprać Volhi Karač i Valeryja Capkały.
U razmovie Vieranika Capkała zajaviła:
«U nas niama niezaležnych ŚMI. Ciapier usie ŚMI finansujucca sa zhody adnoj palityčnaj hrupy. Dla taho, kab vas prafinansavali, vydzielili hrant, nieabchodna atrymać padtrymku, zhodu Ofisa Cichanoŭskaj».
Capkała pierakonvaje, što niejkija ŚMI padpisvajuć z Ofisam niejkija pahadnieńni ab kanfidencyjnaści, u ramkach jakich zabaroniena krytykavać Śviatłanu Cichanoŭskuju.
Tym, chto jaje krytykuje, jak śćviardžaje Vieranika Capkała, pahražaje «ahramadny štraf u pamiery kala 30 tysiač jeŭra ci dołaraŭ».
Adznačym, što «Naša Niva» nie maje i nikoli nie mieła nijakich pahadnieńniaŭ z tymi ci inšymi palityčnymi siłami.
Na pohlad Vieraniki Capkała, luby, chto kali-niebudź krytykavaŭ Cichanoŭskuju, stanovicca voraham numar adzin dla «tak zvanych niezaležnych ŚMI».
«Na vas nakidvajucca žurnalisty, na vas naviešvajuć jarłyki, nazyvajuć prarasijskimi, abražajuć, źnievažajuć, baniać i hetak dalej».
U jakaści prykładu jana pryviała infarmacyjnuju kampaniju suprać Volhi Karač, jakaja «15 hadoŭ zmahajecca za pravy biełarusaŭ», a taksama siabie i Valeryja Capkału.
«Ci za takija niezaležnyja ŚMI my zmahalisia? Ciapier heta nie niezaležnyja ŚMI. Heta ŚMI adnoj palityčnaj partyi — Ofisa Śviatłany Cichanoŭskaj», — śćviardžaje Vieranika Capkała.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary
Prostaje žadańnie da Varaniki i inšych, z roznych atradaŭ i roznych, navat supraćlehłych bakoŭ. Vielmi žadanna ad VAS šanoŭnyja, ad tych chto ličyć siabie biełaruskim palitykam, jak maha čaściej čuć biełaruskuju movu.