Prankier Bochan pravioŭ novy rozyhryš, jaki biełaruskija nastaŭniki dastojna vytrymali. U adroźnieńnie ad rasijskich
Viadomy prankier, były nastaŭnik historyi Uładź Bochan, jaki ŭžo niekalki hadoŭ zajmajecca tym, što na žyvych prykładach demanstruje, što ŭ biełaruskich i rasijskich škołach jak ich kiraŭnictva, tak i prostyja piedahohi hatovyja vykanać luby, navat samy absurdny zahad źvierchu, pravioŭ novy ekśpierymient. I hetym razam jahonyja vyniki bolš natchnialnyja, čym zaŭsiody.
Hetym razam Bochan stvaryŭ takuju lehiendu: u rehijonie stvarajecca faktyčna łahier dla pieravychavańnia patencyjnych «ekstremistaŭ», i ciapier treba vyvučyć patencyjnuju kolkaść dziaciej, dastojnych źmiaščeńnia tudy. Prykidvajučysia, jak zaŭsiody, pradstaŭnikom vyšejšaha načalstva, jon zapatrabavaŭ u kiraŭnictva škoł padać adpaviednuju infarmacyju z asabistymi źviestkami niełajalnych vučniaŭ i ich baćkoŭ.
Adpaviednyja zapyty byli razasłanyja jak u biełaruskija, tak i rasijskija škoły. I adkazy na ich taksama byli, ale nie tyja, na jakija raźličvaŭ prankier. Zamiest śpisaŭ z proźviščami vučniaŭ na elektronnuju skryniu stali prychodzić adpiski, što va ŭstanovach niama patencyjnych «ekstremistaŭ».
«Pryčym anałahičnaja situacyja była jak u RB, tak i ŭ RF, tolki našy, u adroźnieńnie ad rasijskich kalehaŭ, jašče zamaročylisia i aformili heta jak dakumient, druhija ž prosta adkazvali paviedamleńniem na poštu», — kanstatuje Bochan.
Što stała pryčynaj takoha vyniku, zadaŭ jon paśla taho pytańnie. Uklučyŭsia maralny składnik, ci tut bolš pracuje biurakratyčnaja bojaź za toje, što za najaŭnaść u škole patencyjnych «ekstremistaŭ» mohuć być prablemy i ŭ jaje administracyi, jakaja heta dapuściła?
Tamu ŭ paŭtornych listach prankier udakładniŭ kryteryi patencyjnaj niebiaśpiečnaści vučniaŭ: nizkaja paśpiachovaść, drennaja dyscyplina, zachapleńnie sacyjalnymi sietkami i niepadtrymka dziejnaj ułady (dla Biełarusi) i t. zv. «SVA» (dla Rasii).
Adnak ź biełaruskimi škołami nie spracavała i heta: jany ŭsio adno prysłali adpiski. A voś u Rasii novy padychod častkova spracavaŭ: licej z padmaskoŭnaha Krasnahorska nazvaŭ adnaho patencyjnaha «ekstremista», a himnazija z Kamsamolska-na-Amury prysłała ceły śpis.
«Dziela abjektyŭnaści varta dadać, što tych, chto padaŭ adpiski, było bolš, čym tych, chto «zdaŭ». Absalutnaja heta vieličynia, ci heta dynamika, dumać vam», — zaviaršyŭ svajo apisańnie novaha ekśpierymientu Uładź Bochan.
«Dalary ź Cichanoŭskaj». Historyja nastaŭnika, jaki stavić na vušy biełaruskija i rasijskija škoły
U Rasii viadomy biełaruski prankier zapatrabavaŭ pravieści chrosny chod ź ikonami Bandery
«Vybar užo zrobleny». Prankier Bochan pravioŭ novuju akcyju
«Dzień apryčnika». Prankier Uładzisłaŭ Bochan znoŭ pravioŭ akcyju siarod piedahohaŭ, hetym razam na akupavanych terytoryjach Ukrainy
Biełaruski mastak z ułasnaj inicyjatyvy zrabiŭ siabie Hierojem Rasii. I prymusiŭ pravieści akcyi ŭšanavańnia ŭ rasijskich škołach
Biełarus dasłaŭ u rasijskija škoły zahad pravieści malebien. Jaho praviali, ale daviałosia surova nahadvać
Ciapier čytajuć
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam27
Kamientary