Premjer Litvy nie bačyć padstaŭ dla zabarony aŭtobusnych rejsaŭ u Biełaruś
Premjer-ministr Litvy Mindaŭhas Sinkiavičus zajaviŭ, što kraina maje mahčymaść abmiežavać aŭtobusnyja rejsy ŭ Biełaruś abo navat całkam zakryć miažu, ale takija rašeńni pavinny prymacca zychodziačy z acenki realnaj pahrozy biaśpiecy, a nie z palityčnych mierkavańniaŭ, paviedamlaje LRT.
Pavodle słoŭ litoŭskaha premjera, na hety momant ad vajskovaj raźviedki Litvy niama adpaviednych rekamiendacyj dla ŭviadzieńnia takich abmiežavańniaŭ. Jon pryznaŭ, što adnosiny ź Biełaruśsiu zastajucca napružanymi praz roznyja pravakacyi i vykarystańnie mihracyi ŭ palityčnych metach, adnak ličyć, što ciapier niama nieabchodnaści prymać rašeńni vyklučna z palityčnych pryčyn.
Raniej kansiervatar Arvidas Anušaŭskas zaklikaŭ urad Litvy dałučycca da płanaŭ Łatvii zabaranić aŭtobusnyja pieravozki ŭ Biełaruś i Rasiju. Łatvijskaje Ministerstva transpartu pierad tym prapanavała z nastupnaha hoda całkam spynić rehularnyja i nierehularnyja mižnarodnyja pasažyrskija aŭtobusnyja pieravozki ŭ hetyja krainy, a taksama tranzit praz Łatviju.
Mindaŭhas Sinkiavičus źviarnuŭ uvahu na ŭnutrypalityčnuju situacyju ŭ Łatvii. Pavodle jaho, pierad kastryčnickimi vybarami ŭ hetaj krainie moža źjaŭlacca šmat roznych palityčnych prapanoŭ i inicyjatyŭ.
Ministr transpartu Litvy Juras Taminskas taksama zajaviŭ, što Vilnia pakul nie źbirajecca paŭtarać krok Łatvii i zaklikaŭ padychodzić da hetaha pytańnia ŭzvažana.
Na hety momant u Litvie dziejničajuć 29 dazvołaŭ na rehularnyja pasažyrskija pieravozki pamiž Litvoj i Rasijaj, Biełaruśsiu albo tranzitam praź Litvu. 17 ź ich tyčacca maršrutaŭ ź Vilni ŭ Minsk, Hrodna, Homiel, Lidu i Ašmiany.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary