U Rasii viadomy biełaruski prankier zapatrabavaŭ pravieści chrosny chod ź ikonami Bandery
Nieviadomyja adfatašopili ikony śviatych Stefana i kniahini Volhi: zamianili ich na tvary sudździ Śviatłany Śniažko i lidara ŭkrainskich nacyjanalistaŭ u 1940-ja — 1950-ja hady Stepana Bandery i ad imia Rasijskaha histaryčnaha tavarystva zapatrabavali ad škoł razdrukavać ich, ustavić u ramki i ździejśnić chrosny chod miascovym prychodam.
Taksama nieviadomyja sprabavali pierakanać rasijskich nastaŭnikaŭ, što Ściapana i Śviatłanu kananizavali z uchvały Maskoŭskaha patryjarchata zusim niadaŭna — litaralna ŭ hetym miesiacy, bo jany — «abaroncy Kijeva-Piačerskaj łaŭry, jakija zahinuli ad ruk kijeŭskaha režymu», paviedamlaje Shot.
Aŭtaram rozyhryšu akazaŭsia viadomy biełaruski prankier Uładzisłaŭ Bochan.
«Pa dziŭnym supadzieńni Śviatym Ściapanam akazaŭsia Ściapan Bandera, a Śviatoj Śviatłanaj akazałasia… Nie, nie Cichanoŭskaja (z čaho b joj stolki honaru?). Śviatłana Śniažko — sudździa, jakaja pryznała moj kanał u Biełarusi ekstremisckim. Ja ž kazaŭ, što adpomšču», — napisaŭ jon u svaim telehram-kanale.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary