«Vam vielmi pašancavała». Zaołah rastłumačyŭ, ci niebiaśpiečnyja dla čałavieka sustrečy z ryśsiu
Niadaŭna ŭ ahraharadku Novy Dvor Ščučynskaha rajona na pryvatny dvor zajšła ryś. Haspadar paśpieŭ źniać niezvyčajnuju hościu na videa: žyvioła nazirała za mužčynam zdalok, nie nabližajučysia, a potym raźviarnułasia i pajšła. Zaołah kampanii «Dzikaja pryroda» Alaksandr Vinčeŭski rastłumačyŭ vydańniu «Smartpres», ci moža takaja sustreča być niebiaśpiečnaj.
Pavodle słoŭ zaołaha, zdarovaja ryś imkniecca nie traplacca čałavieku na vočy.
«Ryś, jak i miadźviedź, paźbiahaje čałavieka, i joj heta zrabić praściej, čym miadźviedziu, tamu sustrakajuć ich vielmi redka. Pry sustrečy z ryśsiu treba radavacca, bo vam strašenna pašancavała», — ličyć Vinčeŭski.
Pry hetym, u adroźnieńnie ad miadźviedzia, ryś u vypadku niebiaśpieki navat nie sprabuje abaraniać svaich dzicianiat ad čałavieka.
Patencyjnuju niebiaśpieku moža ŭjaŭlać tolki žyviolina, chvoraja na šalenstva, ci taja, što pavodzić siabie nieadekvatna. Śpiecyjalnych pieryjadaŭ, kali ryś stanovicca bolš ahresiŭnaj u dačynieńni da čałavieka, u hetaha vidu niama.
Adnak heta nie aznačaje, što drapiežnika možna pravakavać abo sprabavać nablizicca da jaho.
Uvohule rysi viaduć vielmi skrytny ład žyćcia. Akramia taho, kožnaj asobinie patrebnaja vialikaja palaŭničaja terytoryja, jakuju jana abaraniaje ad inšych pradstaŭnikoŭ svajho vidu.
Śpiecyjalist taksama nahadaŭ, što ryś pa-raniejšamu zaniesienaja ŭ Čyrvonuju knihu Biełarusi.
Dla Hrodzienskaj vobłaści heta ŭžo nie pieršaja sustreča z ryśsiu za apošni čas. Raniej žyviołu zaŭvažali kala darohi pamiž Aziorami i Pareččam u Hrodzienskim rajonie, a jašče adnu ryś žančyna sustreła ŭ lesie niedaloka ad Bierštaŭ na toj ža Ščučynščynie.
U 2025 hodzie ŭ Biełarusi aficyjna dazvolili palavańnie na ryś — upieršyniu za 40 hadoŭ. Pry hetym žyviolinu nie vyklučyli z Čyrvonaj knihi: jana atrymała tak zvany padvojny status — adnačasova zastajecca čyrvanaknižnym vidam i ličycca «narmavanaj palaŭničaj žyviołaj».
Palavańnie na ryś mahčymaje tolki na terytoryjach, praduhledžanych płanam, zaćvierdžanym Ministerstvam pryrodnych resursaŭ i achovy navakolnaha asiarodździa. U pieršy siezon takija ŭčastki vyznačyli ŭ asobnych rajonach Viciebskaj, Homielskaj, Hrodzienskaj i Minskaj abłaściej. Siezon praciahvaŭsia z 1 kastryčnika 2025 hoda pa 31 studzienia 2026 hoda.
U 2025 hodzie płanavałasia zabić 57 rysiaŭ, ale palaŭničyja adstrelili tolki šeść žyvioł — krychu bolš za 10% ad dazvolenaj kolkaści. Staršynia Biełaruskaha tavarystva palaŭničych i rybałovaŭ Ihar Šunievič tady nazvaŭ vynik «poŭnym pravałam siezona».
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary