Stała viadoma, jak terarysty IDIŁ zachapili milicejskaha načalnika ŭ SIZA Rastova — jon pryjšoŭ da ich na pieramovy
Pavodle źviestak SHOT, pry zachopie Rastoŭskaha SIZA byŭ treci zakładnik: jon zdoleŭ vyrvacca ad terarystaŭ, zabłakavać ich i paviedamić pra zdareńnie svajmu kiraŭnictvu. Na pieramovy dasłali milicejskaha načalnika Alaksandra Bohmu, jakoha terarysty taksama zachapili, raskazvaje novuju viersiju SHOT.
Jak piša kanał, pamiž 23-hadovym małodšym inśpiektaram Viktaram Kančakovym i 39-hadovym načalnikam apieratyŭnaha ŭpraŭleńnia Alaksandram Bohmam terarysty zachapili 31-hadovaha načalnika apieratyŭnaha adździeła Kanstancina Horacha, ale jon zdoleŭ vyrvacca i źbiehčy.
Pavodle SHOT, niekalki terarystaŭ utrymlivalisia ŭ susiednich kamierach, praź ścianu: № 94 i № 96 (numaracyja kamier idzie ŭ šachmatnym paradku). U jakaści kanata ŭciekačy vykarystoŭvali čatyry źviazanyja praściny. Źbiehłyja aryštanty pieršym zachapili ŭ zakładniki Kančakova, zatym — Horacha. Apošni ŭstupiŭ ź imi ŭ sutyčku, atrymaŭ nažavoje ranieńnie ŭ ruku, ale zmoh vyrvacca i zabłakavać usie dźviery, praź jakija terarysty mahli trapić u asnoŭny korpus.
Začyniŭšy terarystaŭ u adnym z błokaŭ, Horach paviedamiŭ pra zdareńnie svajmu kiraŭnictvu. Na pieramovy dasłali Alaksandra Bohmu, jakoha terarysty taksama zachapili. Chto dasłaŭ Bohmu i čamu jaho zachapili, nie paviedamlajecca.
Nieŭzabavie paśla hetaha śpiecnaz zabiŭ usich šaściarych zachopnikaŭ. Najmieniej u dvaich ruki byli ŭ kajdankach. Kančakoŭ i Bohma nie paciarpieli. Horachu miedyki akazali dapamohu, jaho žyćciu ničoha nie pahražaje, piša SHOT.
Niekalki zabitych pry šturmie zachopnikaŭ byli ŭ kajdankach. Što nie tak u aficyjnaj viersii z zakładnikami ŭ rastoŭskim SIZA
Supracoŭniki rastoŭskaha SIZA-1, jakich utrymlivali ŭ zakładnikach, vyzvalenyja. Źniavolenyja — zabityja
Za niekalki dzion da zachopu zakładnikaŭ rastoŭskaje SIZA vychvalałasia najlepšaj sistemaj achovy ŭ vobłaści
«Ludzi nastrojenyja surjozna. Pačujcie ich». U Rastovie zatrymanyja ŭziali ŭ zakładniki supracoŭnikaŭ SIZA
Kamientary