Niekalki zabitych pry šturmie zachopnikaŭ byli ŭ kajdankach. Što nie tak u aficyjnaj viersii z zakładnikami ŭ rastoŭskim SIZA
Usie źniavolenyja, jakija zachapili zakładnikaŭ u rastoŭskim SIZA-1, byli zabityja pry šturmie, śćviardžaje FSVP. Pry hetym na ciełach dvaich na apublikavanym videa bačnyja kajdanki. Ab niestykoŭkach «MO» raspaviała zasnavalnik fondu «Ruś sidiaŝaja» Volha Ramanava.
Pavodle słoŭ Ramanavaj, zachop zakładnikaŭ adbyŭsia jašče ŭnačy. «Jany niejkim čynam adnačasova vyzvalilisia ź niekalkich kamier. Sukamierniki nie stali padymać tryvohu. U ich była suviaź, byli mabilniki», — kaža Ramanava.
U noč na niadzielu ŭ SIZA čamuści znachodziŭsia vysokapastaŭleny načalnik — padpałkoŭnik, kiraŭnik apieratyŭnaha ŭpraŭleńnia abłasnoha FSVP Alaksandr Bohma. Jon staŭ adnym z zakładnikaŭ. «Bohma tam navat nie pracuje, što jon rabiŭ u SIZA nočču ŭ vychodnyja?» — nie razumieje Ramanava. «Niezrazumieła, što jon rabiŭ u SIZA ŭ niadzielu. Nahadaju, što ŭ vychodnyja źniavolenych u sudy i na śledčyja dziejańni nie vyvoziać, da advakata i na spatkańni taksama», — dadała pravaabaronca Jeva Mierkačova ŭ telehram-kanale.
U SIZA-1, padkreślivaje Ramanava, utrymlivajucca ŭkrainskija vajennapałonnyja. «Niekatorych ź ich taksama abvinavačvajuć pa terarystyčnych artykułach. Nie ździŭlusia, kali da viečara ŭ buncie idziłaŭcaŭ znojduć «ukrainski śled», jak heta było paśla teraktu ŭ «Krokusie». Nie ździŭlusia, kali niekatorych tych, chto vyžyŭ pry šturmie dabili», — kamientuje Ramanava.
TASS sa spasyłkaj na orhany paviedamiŭ, što zachop zakładnikaŭ rychtavaŭsia nie adzin miesiac i moh kaardynavacca zvonku.
Za tydzień da zachopu abłasnoje FSVP apublikavała repartaž ab achovie SIZA-1, nazvaŭšy jaje najlepšaj u vobłaści.
Ciapier supracoŭniki SIZA sami trapiać pad śledstva. Pa infarmacyi Mash, supracoŭniki vonkavaha piersanału rastoŭskaha SIZA mahli dapamahčy terarystam u arhanizacyi ŭciokaŭ. Takuju viersiju, pavodle Mash, ciapier razhladajuć pravaachoŭniki. Siarod patencyjnych pamahatych u tym liku rabotniki stałovaj, zahadčyk haspadarki, prybiralščyki i hetak dalej.
Krynicy ŭ FSVP taksama raspaviali, što izalatar u Rastovie pierapoŭnieny. Pry limicie ŭ 500 čałaviek tam siadzić amal 900 źniavolenych.
Supracoŭniki rastoŭskaha SIZA-1, jakich utrymlivali ŭ zakładnikach, vyzvalenyja. Źniavolenyja — zabityja
Za niekalki dzion da zachopu zakładnikaŭ rastoŭskaje SIZA vychvalałasia najlepšaj sistemaj achovy ŭ vobłaści
«Ludzi nastrojenyja surjozna. Pačujcie ich». U Rastovie zatrymanyja ŭziali ŭ zakładniki supracoŭnikaŭ SIZA
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary