«Ludzi nastrojenyja surjozna. Pačujcie ich». U Rastovie zatrymanyja ŭziali ŭ zakładniki supracoŭnikaŭ SIZA
Niekalki abvinavačanych, jakija ŭtrymlivajucca ŭ SIZA, uziali ŭ zakładniki dvaich supracoŭnikaŭ izalatara. Jany zmahli adabrać zbroju ŭ siłavikoŭ.
Šaściora abvinavačanych vybili akonnyja kraty ŭ svajoj kamiery ŭ SIZA i pranikli ŭ dziažurnuju častku. Tam jany i ŭziali ŭ zakładniki supracoŭnikaŭ, piša «Baza».
Pavodle źviestak «Bazy», siarod zachopnikaŭ rastoŭskaha SIZA jość niekalki čałaviek, užo asudžanych pavodle terarystyčnych artykułaŭ.
U zakładnikach znachodziacca načalnik apieratyŭnaha ŭpraŭleńnia i małodšy inśpiektar dziažurnaj słužby SIZA 1.
Na hety momant, terytoryja vakoł śledčaha izalatara №1 ačeplenaja, z abvinavačanymi viaducca pieramovy.
U siecivie źjaviłasia videa, źniataje, jak śćviardžajecca, u SIZA-1 Rastova-na-Donie paśla zachopu zakładnikaŭ.
Na zapisie mužčyna z nažom kaža, što SIZA zachoplena bajevikami «Isłamskaj dziaržavy».
«Ludzi nastrojenyja surjozna. Pačujcie ich», — kaža adzin z zakładnikaŭ.
Niekalki zabitych pry šturmie zachopnikaŭ byli ŭ kajdankach. Što nie tak u aficyjnaj viersii z zakładnikami ŭ rastoŭskim SIZA
Supracoŭniki rastoŭskaha SIZA-1, jakich utrymlivali ŭ zakładnikach, vyzvalenyja. Źniavolenyja — zabityja
Za niekalki dzion da zachopu zakładnikaŭ rastoŭskaje SIZA vychvalałasia najlepšaj sistemaj achovy ŭ vobłaści
Kamientary