Supracoŭniki rastoŭskaha SIZA-1, jakich utrymlivali ŭ zakładnikach, vyzvalenyja. Źniavolenyja — zabityja
Supracoŭniki rastoŭskaha SIZA-1, jakich utrymlivali ŭ zakładnikach, vyzvalenyja. Šturm doŭžyŭsia kala troch chvilin. «Interfaks» piša, što ŭsie złačyncy zabityja.
Jak pieradaje ahienctva «Interfaks», złačyncy, jakija zachapili ŭ zakładniki supracoŭnikaŭ FSVP u rastoŭskim SIZA, byli likvidavanyja, zakładniki nie paciarpieli.
Ranicaj 16 červienia asudžanyja, jakija ŭtrymlivalisia ŭ Rastoŭskim SIZA-1, zachapili ŭ zakładniki dvuch supracoŭnikaŭ ustanovy. Pa danych TASS, u zachopie zakładnikaŭ udzielničali šaściora ŭradžencaŭ Inhušecii, jakija abvinavačvajucca ŭ ździajśnieńni terarystyčnych złačynstvaŭ. Paviedamlajecca, što da zachopu jany rychtavalisia niekalki miesiacaŭ.
Siarod zachopnikaŭ — fihuranty spraŭ ab złačynstvach terarystyčnaj nakiravanaści — Šamil Akijeŭ, Tamierłan Hirejeŭ i Azamat Cyckijeŭ byli asudžanyja ŭ śniežni 2023 hoda za ŭdzieł u IDIŁ i padrychtoŭku teraktu (jany, pavodle śledstva, płanavali napaści na budynak Viarchoŭnaha suda Karačajeva-Čarkiesii). Hirejeŭ i Akijeŭ byli prysudžanyja da 18 hadoŭ pazbaŭleńnia voli, a Cyckijeŭ — da 18 z pałovaj hadoŭ.
Pavodle infarmacyi Shot, jašče traich saŭdzielnikaŭ jany zavierbavali ŭ SIZA. Siarod ich — 22-hadovy fihurant spravy ab vyrabie i niezakonnym zachoŭvańni vybuchoŭki.
Zachopniki paviedamili pra svaje patrabavańni: im patrebnyja mašyna, zbroja i mahčymaść źjechać ź izalatara.
Pravaabaronca Jeva Mierkačova apaznała ŭ adnym z zachoplenych u Rastoŭskim SIZA-1 načalnika apieratyŭnaha ŭpraŭleńnia HUFSIN pa Rastoŭskaj vobłaści Alaksandra Bohmu. «Niezrazumieła, što jon rabiŭ u SIZA ŭ niadzielu. Nahadaju, što ŭ vychodnyja źniavolenych u sudy i na śledčyja dziejańni nie vyvoziać, da advakata i na spatkańni taksama», — napisała jana ŭ svaim telehram-kanale.
Jašče adzin z zachoplenych u Rastovie zakładnikaŭ — 23-hadovy Viktar Kančakoŭ, pracavaŭ u Rastoŭskim SIZA na pasadzie małodšaha inśpiektara dziažurnaj źmieny.
Pravaachoŭnyja orhany pravierać viersiju kaardynacyi zachopu zakładnikaŭ u SIZA zvonku, śćviardžaje TASS. Jak piša Baza, «kuratary» pieradali zachopnikam u izalatar zbroju, ściahi zabaronienaj u Rasii terarystyčnaj arhanizacyi IDIŁ i srodki suviazi.
Ciapier zakładniki, pavodle telehram-kanałaŭ, vyzvalenyja. Spačatku kanały pisali pra dvuch zabitych źniavolenych, jakija brali zakładnikaŭ, ale potym paviedamili, što jany ŭsie zabityja.
«Ludzi nastrojenyja surjozna. Pačujcie ich». U Rastovie zatrymanyja ŭziali ŭ zakładniki supracoŭnikaŭ SIZA
«PVK Vahnier» zavierbavała na vajnu va Ukrainie ŭ kałonijach 48 tysiač źniavolenych. Ź ich pad Bachmutam zahinuli nie mienš za 17 tysiač
«Raśpiłoŭvać cynkavuju trunu bałharkaj — zaniatak nie dla słabaniervovych». Apovied aficera, jaki supravadžaŭ «hruz 200» pa Rasii
Ciapier čytajuć
Babaryka: Kali b my pieramahli — vajny va Ukrainie nie było b6
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»55
Kamientary