«Słavakija i Aŭstryja vykonvajuć prośby». U Hienprakuratury raskazali, ź jakimi krainami Jeŭropy supracoŭničajuć
Bolšaść dziaržaŭ faktyčna spynili ŭzajemadziejańnie, ale jość vyklučeńni.
Namieśnik hienprakurora Biełarusi Alaksiej Stuk rakazaŭ pra supracoŭnictva ź jeŭrapiejskimi krainami.
Pavodle jaho słoŭ, u apošni čas nazirajecca spad takoha supracoŭnictva ź dziaržavami, jakija čynoŭniki nazyvajuć niedružalubnymi.
«Z 239 prośbaŭ, nakiravanych za apošnija paŭtara hoda (heta značyć za 2023 hod i pa stanie na 20 červienia biahučaha hoda), vykanana tolki 33 prośby. Ź ich sa 111 prośbaŭ, jakija nakiravanyja pa spravie ab hienacydzie, vykanana tolki čatyry. Ale, da honaru hiermanskich pravaachoŭnikaŭ, usie čatyry prośby vykananyja niamieckim bokam. A ŭsiaho imi vykanana šeść prośbaŭ», — cytuje Stuka BiełTA.
Namieśnik hienprakurora raskazaŭ, što zachoŭvajecca supracoŭnictva sa Słavakijaj — hetaj krainaj vykananyja jak prośby pa ahulnych kryminalnych spravach, tak i prośba pa spravie ab hienacydzie.
«Aŭstryja niadrenna vykonvaje hetyja prośby. Ale, na žal, z astatnimi krainami absalutnaja zacišša», — adznačyŭ Stuk.
Pry hetym Polšča, krainy Bałtyi, Izrail, Šviejcaryja supracoŭnictva prypynili, admaŭlajuć u vykanańni prośbaŭ i ŭ ZŠA.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy82
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary