Ministr abarony Polščy Uładzisłaŭ Kasiniak-Kamyš 26 červienia prezientavaŭ u Siejmie prajekt papravak da zakonaŭ, jakija rehulujuć dziejańni armii, palicyi i pamiežnaj słužby ŭ vypadku pahrozy dziaržaŭnaj biaśpiecy. Pry hetym jon padkreśliŭ, što na miažy ź Biełaruśsiu polskija vajskoŭcy majuć spravu nie ź mihrantami, a z «ordami bandytaŭ», paviedamlaje tvn24.pl.
Pavodle słoŭ Uładzisłava Kasiniaka-Kamyša, nielehały «napadajuć na miažu i sprabujuć atakavać […] polskich sałdat i aficeraŭ», i heta nie spantanna, bo jany «padrychtavanyja i navučanyja hetamu».
«Heta najvyšejšy ŭzrovień hibrydnaj vajny, nakiravanaj suprać Polskaj Respubliki, najvyšejšy ŭzrovień hetaj vajny, nakiravanaj siońnia suprać biaśpieki polskaj dziaržavy», — adznačyŭ ministr.
Arhumientujučy patrebu ŭniasieńnia źmienaŭ u zakanadaŭstva, jon adznačyŭ, što Polšča ŭ biaśpiecy, kali kazać pra padrychtoŭku vojskaŭ, uzajemadziejańniem słužbaŭ i kaardynacyju ich dziejańniaŭ. Adnak ministr padkreśliŭ, što «my žyviem u situacyi niepasrednaj pahrozy», i ŭ polskim zakanadaŭstvie jość «jurydyčnaja ščylina», tamu što, kali stvarałasia ciapierašniaja Kanstytucyja krainy, nie było «čahości nakštałt hibrydnaj vajny».
Kitaj pierajšoŭ na kryk pa pytańni biełaruska-polskaj miažy. Jak adreahuje Łukašenka?
Duda: Hibrydnaja ataka na miažy ź Biełaruśsiu pieraškadžaje partniorstvu Polščy z Kitajem
Kitaj nadiejetsia, čto Biełaruś i Polša razriešat konflikt biez zakrytija hranicy
Čamu biełaruskija ŭłady aścierahajucca zakryćcia miažy z Polščaj?
Ciapier čytajuć
Bližejšym časam buduć vyzvaleny bolš za 150 palitźniavolenych29
Kamientary
oni nie v Polšu idut... pora polakam uspokoitsia i dať koridor v Hiermaniju