Usie damy-internaty ŭ Biełarusi stali pansijanatami i atrymali nazvy
Z 1 lipienia 2024 damy-internaty, pryznačanyja dla pažyłych ludziej i invalidaŭ, źmianili svoj status i pieratvarylisia ŭ sacyjalnyja pansijanaty. Akramia taho, kali raniej jany byli bieznazoŭnymi, to ciapier za kožnym zamacavana nazva, piša sajt «Pieršy».
Pierajmienavańnie biełaruskich damoŭ-internataŭ źviazana z pašyreńniem śpiektra pasłuh, jakija akazvaje stacyjanarnaja ŭstanova sacyjalnaha absłuhoŭvańnia. Heta abumoŭlena ustupleńniem u siłu abnoŭlenaha zakona «Ab sacyjalnym absłuhoŭvańni».
Ciapier sacyjalnyja pansijanaty — heta multyfunkcyjanalnaja ŭstanova, dzie znachodziacca ludzi, jakim nieabchodny dohlad. Jak paviedamili ŭ Minpracy, tyja, chto tam žyvie, prachodziać sacyjalnuju reabilitacyju, atrymlivajuć pracoŭnyja navyki, vyrašajuć pytańni sacyjalizacyi. Akramia taho, u hetych ustanovach arhanizavana praviadzieńnie volnaha času pa ŭsich mahčymych napramkach.
U struktury niepasredna stacyjanarnych ustanoŭ adkryvajucca i adździaleńni dzionnaha znachodžańnia. Akramia hetaha, ciapier praduhledžanaja mahčymaść znachodžańnia ŭ takich ustanovach va ŭmovach pavyšanaj kamfortnaści.
Jašče adnoj asablivaściu stała toje, što ŭsie abjekty padobnaha typu (a ich u Biełarusi 91) atrymali ŭłasnaje najmieńnie. Raniej u nazvach damoŭ-internataŭ była pryviazka tolki da miescaznachodžańnia, a ciapier usio inakš.
Naprykład, Damačaŭski dom-internat dla sastarełych i invalidaŭ staŭ «Damačaŭskim sacyjalnym pansijanatam «Suzorje». Brescki psichanieŭrałahičny dom-internat dla sastarełych i invalidaŭ pieratvaryŭsia ŭ DU «Brescki sacyjalny pansijanat «Prybužža». Zamiest Kosaŭskaha psichanieŭrałahičnaha doma-internata dla sastarełych i invalidaŭ źjaviŭsia sacyjalny pansijanat «Zarečča». Takaja ž ustanova ŭ Cielachanach stała sacyjalnym pansijanatam «Ahinski».
Z usimi nazvami sacyjalnych pansijanataŭ, jakija pryjšli na miesca damam-internatam, možna aznajomicca tut.
Kamientary