«Kali ja mahu dazvolić sabie ŭ 2 hadziny dnia pić kavu ŭ restaranie, značyć chtości mianie zabiaśpiečvaje». Minskaja łedzi razdaje parady mužčynam
Minskaja błohierka niezadavolenaja mužčynami, jakija chočuć paznajomicca z krasuniaj, zamiest taho, kab finansava ŭkłaścisia ŭ inšuju žančynu.
Volha (heta taja dziaŭčyna, što pakutavała praz bukiet sa 151 ružy nie taho pamieru) raspaviała ŭ tyktoku, što, dzie b jana ni źjaŭlałasia, ź joj zaŭsiody sprabujuć paznajomicca mužčyny — u restaranie, u spartyŭnaj zale, prosta na špacyry.
— Ich pryciahvaje toje, što ŭ mianie na tvary zaŭsiody dzikaje zadavalnieńnie. Ja zaŭsiody rassłablena, u mianie ŭsio dobra. Ja jak ryžy syty kot, u jakoha ŭsio ŭ hetym žyćci cudoŭna.
U Volhi da takich mužčyn jość adrazu niekalki pytańniaŭ.
— Niaŭžo nie vidavočna, što, kali ja mahu dazvolić sabie ŭ 2 hadziny dnia ŭ paniadziełak siadzieć papivać kavu ŭ svaim lubimym restaranie, usia takaja pryhožaja, z makijažam, značyć, chtości hetaje žyćcio mnie zabiaśpiečvaje?
Tamu błohierka raić mužčynam źviarnuć uvahu na inšych žančyn — i zrabić ich žyćcio takim ža kajfovym.
— Čamu b vam nie ŭziać voś hetuju žančynu, jakaja pracuje na dźviuch pracach, jakaja stomlenaja, u jakoj realna ŭsio ŭ žyćci drenna, i nie padaryć joj toje žyćcio, jakoje žyvu ciapier ja? Čamu b vam nie zabiaśpiečyć jaje, nie pačać jaje dahladać, układvacca. Paviercie, lubaja žančyna z takim padychodam raskvitnieje i budzie nievierahodna pryhožaj, enierhičnaj. Jana budzie hatova dzialicca z vami łaskaj i kłopatam. Niaŭžo heta nie vidavočna? Navošta vy idziacie pa tych, u kaho ŭžo i tak ciapier usio dobra? Kali vy možacie ŭziać čałavieka i pieratvaryć jaje ŭ pryncesu.
Dziaŭčyna padzialiłasia taksama, kolki kaštuje jaje pryhažość. Atrymałasia: 260 rubloŭ na manikiur i piedykiur, 800 rubloŭ na kaśmietyku, srodki dla vałasoŭ — 400, spartyŭnaja zała — 70, elektraepilacyja i depilacyja voskam — 150, antycelulitny masaž — 270. U vyniku mužčyna Volhi inviestuje ŭ jaje 1950 rubloŭ štomiesiac — i heta biez uliku šopinhu, restaranaŭ i inšych zabaŭ.
Darečy, błohierka pryznałasia, što toj samy niaščasny bukiet sa 151 ružy, jaki jaje pryvioŭ u šalenstva praz pamier kvietak, jana taksama zakazvała sama — prosta apłačvała kartkaj partniora. Zatoje ciapier Volha pachvaliłasia šykoŭnym bukietam pivoń za 1600 rubloŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary