«Diestruktivnaja orhanizacija, členstvo v kotoroj niesovmiestimo s rabotoj v hosudarstviennych učrieždienijach i viedomstvach»
Pad ataku trapili siabry Sajuzu biełaruskich piśmieńnikaŭ.
3 lutaha Sajuz biełaruskich piśmieńnikaŭ vystupiŭ z zajavaj ab pieraśledzie siabroŭ abjadnańnia. U apošnija dni ŭsie siabry SBP, jakija pracujuć u dziaržaŭnych biudžetnych ustanovach, byli vyklikanyja da kiraŭnictva. Kiraŭnictva, jak vyśvietliłasia, atrymała list z Administracyi prezydenta,
jaki byŭ nazvany tak: «Diestruktivnaja orhanizacija, členstvo v kotoroj niesovmiestimo s rabotoj v hosudarstviennych učrieždienijach i viedomstvach».
Miž tym hramadskaje abjadnańnie «Sajuz biełaruskich piśmieńnikaŭ» zarehistravanaje ŭ Ministerstvie justycyi. U jaho šerahach narodnyja paety Biełarusi Nił Hilevič i Ryhor Baradulin, a taksama Hienadź Buraŭkin, Uładzimier Arłoŭ, Uładzimier Niaklajeŭ.
Siabram SBP, jakija pracujuć u dziaržaŭnych ustanovach, va ŭltymatyŭnaj formie było prapanavana vyjści z Sajuza biełaruskich piśmieńnikaŭ, inakš ich zvolniać.
Prynamsi dvoje litarataraŭ napisali zajavy ab vychadzie z SBP.
Tamu 3 lutaha była terminova sklikanaja Rada SBP, na jakoj adnahałosna byŭ pryniaty zvarot. U zvarocie proźviščy nie nazyvajucca. Jak skazana ŭ zvarocie, haniebnyja i niezakonnyja «pracesy» mieli miesca ŭ stalicy i ŭsich rehijonach Biełarusi (u «LiMie», vydaviectvie «Mastackaja litaratura», Nacyjanalnaj akademii navuk Biełarusi, BDU, BNTU, BDEU, BDPU, abłasnych univiersitetach, redakcyjach haziet, muziejach i škołach.
«NN» pahutaryła z navukoŭcam i publicystam, siabrom SBP, Anatolem Astapienkam.
«NN»: Jak pačaŭsia cick na Vas?
«NN»: A jak patłumačyli Vam takija patrabavańni?
AA: Ničoha spačatku nie tłumačyli. Kali pačaŭ vyśviatlać, to spasyłalisia na niejkuju «palityku». Zvalniajsia z pracy, i ŭsio. Maŭlaŭ, u internecie majo proźvišča fihuruje. A ja ni ŭ čym nie ŭdzielničaŭ paśla apošnich vybaraŭ. Toje było jašče da ŭładkavańnia na pracu ŭ BNTU. Litaraturaj zaniaŭsia, ustupiŭ u SBP. Voś hetym i zajmaŭsia.
U hutarcy z zahadčykam kafiedry ŭspłyło, što zvolnić mianie chočuć praź siabroŭstva ŭ SBP. Nibyta jon «alternatyŭny». Pytajusia, a što u hetym drennaha? Adkazvaje — jon destruktyŭny.
Ja admoviŭsia pisać zajavu. Tak i skazaŭ.
«NN»: Što adbyvałasia dalej z Vami? Adčapilisia?
AA: Nastupnaja razmova adbyłasia praz paŭhadziny. Pryjšoŭ dekan i pačaŭ bolš žorstka dušyć. Z zahadčykam kafiedry ŭ mianie dobryja adnosiny, tam nie było takoha cisku. A dekan novy. Ja i jamu admoviŭ. Ale navat z kabinietu nie paśpieŭ vyjści, jak paviedamili, što ŭ mianie budzie hutarka z prarektaram. Usie pierapałochalisia.
Prarektar pa sacyjalnych pytańniach, fizičnaj kultury i sportu A.Husieŭ, pačaŭ pahražać. Maŭlaŭ, nie damo tabie hadzin. Litaralna vyhaniaŭ na vulicu. Ludziej kali zvalniajuć, to papiaredžvajuć za miesiac, za dva.
U paniadziełak usio pa novaj praciahnułasia. Ja prapanavaŭ, što choć da leta dapracuju. Ale kiraŭnictva nie pahadziłasia.
«NN»: Jakimi buduć vašyja dalejšyja kroki?
AA: Źbirajusia adstojvać svaje pravy z dapamohaj jurystaŭ. Užo napisaŭ zajavu na imia rektara ab niezakonnych dziejańniach u dačynieńni da mianie. Zarehistravaŭ jaje ŭ kancylaryi. Pieraličyŭ imiony kiraŭnikoŭ, jakija cisnuć. Pahladzim, što budzie dalej. Nie źbirajusia zdavacca. Pasprabuju pačać siemiestr, kali jany milicyjantaŭ nie pastaviać na ŭvachodzie. Rychtuju lekcyi.
Na kaleh cisnuć. Zahadčyk kafiedry ŭžo prasiŭ napisać zajavu dziela jaho. Na jaho cisnuć, pahražajuć zvalnieńniem.
«NN»: U čym, na vašuju dumku, pryčyna takoha vostraha cisku? Inšym siabram SBP paprostu prapanavali napisać zajavu ab sychodzie z arhanizacyi.
AA: Ja dumaju, što sprava ŭ majoj novaj knizie, pryśviečanaj biełaruskamu nacyjanalizmu. Jana pavinna była voś‑voś vyjści. Vidać, sihnalny asobnik trapiŭ u adpaviednyja ruki. Dumaju, što mienavita vychad knihi staŭ pryčynaj žadańnia mianie zvolnić. Tut šmat čaho napisana, zusim nie pa kanonam dziaržaŭnaj ideałohii.
Mnie nijakaj alternatyvy nie prapanavali. Kožny dzień telefanujuć. Patrabujuć, kab ja da kanca siemiestra zvolniŭsia. Novy pačynajecca ŭžo ŭ paniadziełak.
Vielmi składana heta pieranosić. Dzika. Na vulicu, i ŭsio. Dzie łohika, dzie spraviadlivaść?
Z kaleh nichto nie viedaje pakul. U aŭtorak maje zaniatki pačynajucca. Raskład navat visić z maim proźviščam. Pahladzim, što budzie. U ich adna linija — prybrać i ŭsio.
«NN» źviarnułasia da prakrektara BNTU A.Husieva pa tłumačeńni.
Pavodle słoŭ spadara Husieva, nijakaj razmovy z A.Astapienkam nie było i ab jaho zvalnieńni havorki nie viadziecca.
Mielnikava rychtavała svajo źniknieńnie i manipulavała atačeńniem. Pakul niajasna, ci dziejničała jana pa kamandzie ź Minska58
Kamientary