Sud Łojeŭskaha rajona ŭ paradku śpiecvytvorčaści razhladzieŭ kryminalnuju spravu ŭ dačynieńni da 45-hadovaha Juryja Ščučko. Sudździa Ivan Całkoŭ 18 lipienia zavočna asudziŭ rečyckaha aktyvista da piaci hadoŭ pazbaŭleńnia voli ŭ kałonii va ŭmovach ahulnaha režymu, piša «Viasna».
19.07.2024 Tehi: sudy, kryminalny pieraśled, hramadstva, cisk, represii
Juryj Ščučko
Juryja Ščučko pryznali vinavatym pavodle niekalkich artykułach Kryminalnaha kodeksa:
- art. 188 («paklop»);
- č. 3 art. 203-1 («niezakonnyja dziejańni ŭ dačynieńni da infarmacyi ab pryvatnym žyćci i piersanalnych dadzienych»);
- č. 1 i 2 art. 340 («zahadzia iłžyvaje paviedamleńnie ab niebiaśpiecy»);
- č. 1 art. 366 («hvałt albo pahroza ŭ dačynieńni da słužbovaj asoby, jakaja vykonvaje słužbovyja abaviazki, albo inšaj asoby, jakaja vykonvaje hramadski doŭh»);
- č. 1 art. 368 («abraza Łukašenki»);
- art. 369 («abraza pradstaŭnika ŭłady»);
- art. 391 («abraza sudździ albo narodnaha zasiadaciela»).
Pa sumie ŭsich abvinavačańniaŭ mužčynu asudzili da piaci hadoŭ źniavoleńnia ŭ kałonii va ŭmovach uzmocnienaha režymu i šaści tysiač rubloŭ štrafu.
Taksama ad Juryja Ščučko chočuć atrymać kampiensacyju maralnaj škody ceły šerah ciapierašnich rečyckich milicyjantaŭ i žonki niekatorych ź ich. Heta 21 čałaviek, kožnamu ź jakich prysudzili ad adnoj da šaści tysiačy rubloŭ kampiensacyi maralnaj škody. Aproč taho, sa Ščučko chočuć spahnać 3557 rubloŭ u dachod dziaržaparatu.
Juryj Ščučko vyjechaŭ ź Biełarusi ŭ vieraśni 2020 hoda. Spačatku jon žyŭ va Ukrainie, dzie zajmaŭsia hramadskaj dziejnaściu, a paśla ŭvarvańnia tudy rasijskich vojskaŭ pierajechaŭ u Polšču.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA18
Kamientary