U sudzie Barysaŭskaha rajona 16 maja Siarhieju Jafimavu vynieśli prysud pa novaj kryminalnaj spravie. Jaho pryznali vinavatym pavodle art. 411 KK (złosnaje niepadparadkavańnie patrabavańniam administracyi papraŭčaj ustanovy) i pryznačyli jamu jašče adzin hod źniavoleńnia ŭ dadatak da čatyroch hadoŭ kałonii. Heta ŭžo druhi sud nad palitviaźniem pa hetym artykule, piša «Viasna».
U listapadzie 2020 hoda hamielčuka asudzili na try hady kałonii pavodle art. 364 Kryminalnaha kodeksa (hvałt u dačynieńni da supracoŭnika milicyi).
Zhodna z abvinavačvańniem, u Homieli ŭviečary 9 žniŭnia 2020 hoda ŭ rajonie skviera Kiryły Turaŭskaha jon padbieh da supracoŭnika AMAPa, raspyliŭ piarcovy haz jamu ŭ tvar z hazavaha bałončyka i ŭdaryŭ jaho ŭ hałavu. Na dapamohu milicyjantu padbiehli dvoje kaleh i sprabavali zatrymać napadnika, toj sprabavaŭ vyrvacca, raspylaŭ haz i nanios adnamu z supracoŭnikaŭ «nie mienš za dzieviać udaraŭ u vobłaść hałavy i tułava». Na sudzie Siarhiej całkam pryznaŭ vinu.
Viadoma, što paźniej Siarhieju ŭzmacnili pakarańnie i pieraviali jaho na turemny režym u Žodzina. Tam suprać jaho zaviali kryminalnuju spravu pavodle č. 1 art. 411 KK (złosnaje niepadparadkavańnie patrabavańniam administracyi papraŭčaj ustanovy). Praces pa spravie adbyŭsia ŭ červieni 2023 hoda ŭ sudzie h. Žodzina.
Sudździa Śviatłana Samusieva pryznačyła jamu adzin hod pazbaŭleńnia voli. Paśla hetaha jaho nakiravali adbyvać termin u papraŭčuju kałoniju № 14 h. Barysava.
Praź niekalki miesiacaŭ paśla etapu ŭ kałoniju na Siarhieja zaviali ŭžo druhuju kryminalnuju spravu pavodle art. 411 KK. Pa infarmacyi «Homielskaj Viasny», 16 traŭnia hetaha hoda ŭ sudzie Barysaŭskaha rajona palitviaźniu pryznačyli jašče adzin hod źniavoleńnia ŭ dadatak da čatyroch hadoŭ kałonii. Taki prysud vyniesła sudździa Ludmiła Zinkievič. Ciapier ahulny termin źniavoleńnia Jafimava składaje piać hadoŭ.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»4
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1212
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch12
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
Kamientary