Urad FRH nie kamientuje mahčymy abmien Kryhiera. Jon vykazaŭ zaniepakojenaść filmam BT
U Bierlinie zajavili, što takija videa ŭščamlajuć hodnaść ludziej.
MZS Hiermanii vykazała zaniepakojenaść filmam BT z udziełam asudžanaha da śmierci Ryka Kryhiera.
U viedamstvie ličać, što takija videa, jakija nie ŭpieršyniu demanstrujucca biełaruskimi prapahandysckimi ŚMI, uščamlajuć hodnaść ludziej, pakazanych u ich, piša DW.
Pradstaŭnik MZS Katryn Dešaŭer zajaviła, što ŭ Bierlinie «vielmi zaniepakojenyja, što hodnaść čałavieka ŭ značnaj stupieni ŭščamlajecca» pakazam takich rolikaŭ.
Dypłamat zaklikała biełaruskaje kiraŭnictva ŭstrymacca ad padobnaj praktyki, a taksama zapeŭniła, što Bierlin akazvaje intensiŭnuju konsulskuju padtrymku Ryka Kryhieru.
Namieśnik aficyjnaha pradstaŭnika ŭrada FRH Kryścijan Chofman zajaviła, što ŭ Bierlinie nie kamientujuć temu mahčymaha abmienu Kryhiera. Napiaredadni biełaruskaje telebačańnie pakazała film pra Ryka Kryhiera, jaki vyklikaŭ jašče bolš pytańniaŭ da jaho spravy.
Kamientary