Na Hałanskija vyšyni prylacieła rakieta, zahinuli jak minimum 10 dziaciej i padletkaŭ
Pa kantralavanych Izrailem Hałanskich vyšyniach naniesieny rakietny ŭdar z terytoryi Livana. Rakieta vybuchnuła pobač ź dziciačaj placoŭkaj u Madždal-Šamsie, što znachodzicca ŭ paŭnočnaj častcy Hałanskich vyšyń, jość šmat zahinułych i paciarpiełych.
U vyniku rakietnaj ataki pa Hałanskich vyšyniach zahinuli jak minimum 10 dziaciej i padletkaŭ, jašče kala 30 čałaviek atrymali ranieńni.
U pasieliščy Madždal-Šams, jakoje było abstralana, žyvuć druzy — etnakanfiesijnaja hrupa arabaŭ, jakija raśsielenyja nie tolki ŭ Izraili, ale taksama ŭ Livanie, Siryi i Iardanii.
Arhanizacyja «Chiezbała» aficyjny admaŭlaje svaju datyčnaść da rakietnaha ŭdaru, paviedamlajuć ahienctvy sa spasyłkaj na pradstaŭnika ruchu, jaki daŭ kamientar telekanału Al Jadeed. ️
Udar adbyŭsia na fonie novych razmoŭ pra mahčymaje pahadnieńnie Izraila z CHAMAS. Vydańnie Axios sa spasyłkaj na try krynicy piša, što svaju novuju prapanovu ab pahadnieńni, vynikam jakoj pavinna stać vyzvaleńnie zakładnikaŭ, zachoplenych pry terarystyčnaj atacy na krainu 7 kastryčnika 2023 hoda, Izrail nakiravaŭ ZŠA.
Administracyja Nietańjachu nibyta ŭklučyła ŭ ździełku spynieńnie ahniu ŭ Hazie i prapanavała detali kantrolu za pierasoŭvańniami cyvilnych asob u im, kab nie dapuskać rostu terarystyčnaj pahrozy dla siabie. Kantrol za pieramiaščeńniem ludziej i pieravozkaj zbroi ŭ ankłavie Haza, pa dadzienych Axios, Izrail prapanuje struktury, stvoranaj zamiežnaj dziaržavaj.
Pieramovy ab pahadnieńni Izraila i CHAMAS praciahvajucca ŭžo niekalki miesiacaŭ. Svoj varyjant pahadnieńnia ŭžo pieradała bakam administracyja Bajdena, adnak jano nie zadavoliła baki.
Eks-dziaržsakratar ZŠA apublikavaŭ imavierny mirny płan Trampa pa Ukrainie. Što ŭ im?
Izrail papiaredziŭ Francyju ab mahčymym terakcie padčas Alimpijady
«Nie budziem zabyvać pra zamučanuju Ukrainu, Paleścinu, Izrail». Papa Francišak zaklikaŭ da alimpijskaha pieramirja
Chusity abstralali izrailski kurort Ejłat
Izrail nanios udary pa Jemienie «paśla dzieviaci miesiacaŭ bieśpierapynnych napadaŭ»
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary