Tyniejdžarka ź Japonii stała alimpijskaj čempijonkaj u 14 hod. Pryčym u jakoj dyscyplinie!
6 žniŭnia ŭ dyscyplinie «park» vystupić kitajanka, jakoj usiaho 11 hadoŭ.
Spabornictvy pa skiejtbordynhu prachodziać užo na druhoj Alimpijadzie zapar. I na druhoj Alimpijadzie ŭ ich pieramahajuć padletki. 28 lipienia ŭ spabornictvach dziaŭčat u dyscyplinie «stryt» vyjhrała 14-hadovaja dziaŭčynka, piša Championat.com.
U finał «strytu» vyjšli vosiem skiejtbardystak. Siarod ich pryziory papiaredniaj Alimpijady: 16-hadovaja braziljanka Raisa Leał, jakaja ŭziała srebra ŭ Tokia, i 19-hadovaja japonka Funa Nakajama — bronzu. Pamyłak tut niama, na minułych hulniach dziaŭčynkam było ŭsiaho 13 i 16 adpaviedna.
A pieramohu ŭ Tokia try hady tamu atrymała 13-hadovaja japonka Mamidzi Nisija. U Paryžy jaje niama, ale ŭ finale ŭ Japonii i biez alimpijskaj čempijonki było samaje salidnaje pradstaŭnictva — try z vaśmi ŭdzielnic.
Jašče pierad startam finału stała zrazumieła, što ŭzrostavy rekord pabić nie atrymajecca — samaj junaj finalistcy «strytu» ŭžo spoŭniłasia 14.
I mienavita 14-hadovaja Kako Josidzava stała čempijonkaj. Jana amal na siem bałaŭ apiaredziła svaju suajčyńnicu — 15-hadovuju Liz Akamu. Zamknuła trojku pryzioraŭ siarebranaja miedalistka Tokia Raisa Leał. Joj, nahadajem, 16.
«Ja adčuvała, što ŭ čymści mnie nie chapała praktyki i što ja była zanadta aściarožnaja. Mnie treba pieraasensavać finał», — skazała Josidzava.
Miarkujučy pa słovach, hetaja junaja čempijonka vielmi patrabavalnaja da siabie. Zrešty, pytańni da svajho vystupleńnia byli i ŭ Akamy, jakaja narakała na toje, što nie zmahła vykanać svoj asablivy truk. Zadavolenaj była tolki braziljanka.
«Ciapier ja viedaju, što takoje sapraŭdnyja Alimpijskija Hulni. Tut tak šmat brazilskich zaŭziataraŭ. Heta varjactva! Ja starałasia z usich sił, zrabiła ŭsio, što mahła, i ja sapraŭdy ščaślivaja!» — radavałasia Leał.
Zastajecca tolki dadać, što 14-hadovyja spartsmienki — nie samyja maładyja ŭdzielnicy spabornictvaŭ pa skiejtbordynhu na Alimpijadzie ŭ Paryžy. 6 žniŭnia ŭ dyscyplinie «park» vystupić kitajanka Čžen Chaachaa. Dziaŭčyncy ŭsiaho 11 hadoŭ.
Pastanoŭščyk cyrymonii adkryćcia Hulniaŭ u Paryžy adkazaŭ na krytyku
Biełaruska Alina Zmuška prabiłasia ŭ finał u płavańni na 100 m brasam
Arhanizatary Alimpijady paprasili prabačeńnia za adsyłku da «Tajnaj viačery» na cyrymonii adkryćcia
Na cyrymonii adkryćcia Alimpijskich hulniaŭ dyktar pierabłytaŭ dźvie Karei. Zapachła mižnarodnym skandałam
Gojira dała čadu na adkryćci Alimpijady VIDEA
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary