U aŭtorak, 30 lipienia, na pasiadžeńni ŭrada ministry abmiarkujuć uniasieńnie źmianieńniaŭ u zakon ab zamiežnikach, piša polskieradio.pl.
Prajekt papravak da Zakona ab zamiežnikach, pradstaŭleny ministram unutranych spraŭ i administracyi, nakiravany na implemientacyju pałažeńniaŭ ES u polskaje zakanadaŭstva. Jon uskłaŭ na dziaržavy — členy Jeŭrapiejskaha sajuza abaviazak pryniać zakanadaŭčyja rašeńni, jakija rehulujuć pytańni ŭjezdu, pravoŭ i vydačy dazvołaŭ na žycharstva z metaj pracaŭładkavańnia pa prafiesii, jakaja patrabuje vysokaj kvalifikacyi — błakitnaja karta ES, a taksama ŭmovy ŭjezdu i znachodžańnie i pravy členaŭ ich siamjaŭ.
Papraŭka praduhledžvaje źmianieńnie sposabu padačy zajavy na atrymańnie dazvołu na časovaje pražyvańnie, dazvołu na pastajannaje pražyvańnie i dazvołu na znachodžańnie doŭhaterminovaha rezidenta ES — zamiest abaviazku asabistaj padačy zajavy na papiarovym nośbicie ŭ vajavodskim upraŭleńni, jaje možna budzie padać anłajn.
Abaviazak asabistaj jaŭki budzie zachavany, siarod inšaha, dla źniaćcia adbitkaŭ palcaŭ i pradjaŭleńnia dakumientaŭ, nieabchodnych dla paćviardžeńnia źviestak, źmieščanych u zajavie, jakija zapytvaje vajavoda. Štamp u pašparcie zamiežnika, jaki słužyć paćviardžeńniem padačy zajavy, budzie zamienieny na daviedku, jakaja paćviardžaje padaču zajavy.
Prajekt taksama ŭklučaje novaje vyznačeńnie vyšejšaj prafiesijnaj kvalifikacyi.
Paśla źmieny jon achoplivaje kvalifikacyi, atrymanyja paśla zakančeńnia vyšejšaj adukacyi i ŭ vyniku prafiesijnaha vopytu. Uładalniki błakitnaj karty ES buduć mieć prava vieści biźnies na tych ža ŭmovach, što i hramadzianie Polščy.
Taksama płanujecca padoŭžyć termin dziejańnia dakumientaŭ, jakija vydajucca asobam mižnarodnaj abarony, heta značyć inšaziemcam, jakija atrymali status biežanca abo dadatkovuju abaronu na terytoryi Respubliki Polšča.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary
>> Papraŭka praduhledžvaje źmianieńnie sposabu padačy zajavy na atrymańnie dazvołu na časovaje pražyvańnie, dazvołu na pastajannaje pražyvańnie i dazvołu na znachodžańnie doŭhaterminovaha rezidenta ES — zamiest abaviazku asabistaj padačy zajavy na papiarovym nośbicie ŭ vajavodskim upraŭleńni, jaje možna budzie padać anłajn.