«Pajechali ŭ Biełaruś na viečarynku i ciapier ljacie krakadziłavyja ślozy». Što dumajuć u Łatvii pra zatrymańnie na «Viva Brasłaŭ»
Sabrali reakcyi žycharoŭ Łatvii na zatrymańnie ich suajčyńnikaŭ.
Ab zatrymańni čatyroch maładych ludziej, jakija na mašynie pajechali z Łatvii ŭ Biełaruś na fiestyval Viva Braslav, raskazała adna ź ich znajomych — z prośbaj ab dapamozie.
Jaje videa supravadžajecca citrami:
«Voś jak žyćcio moža pieraviarnucca. Budźcie aściarožnyja i bieražycie siabie. Kali niechta niekaha viedaje, chto byŭ u padobnaj situacyi, kali łaska, dajcie mnie viedać».
Inšy karystalnik raźmiaściŭ hety zapis u svaim akaŭncie ŭ tvitary, dadaŭšy svoj kamientaryj:
«Pajechali ŭ Biełaruś na viečarynku i ciapier ljacie krakadziłavyja ślozy. Nastupnym razam u Paŭnočnuju Kareju?»
Brauca ballēties uz Baltkrieviju un nu lej krokodila asaras?
Nākamreiz uz Ziemeļkoreju? pic.twitter.com/PANg59Jqjh
Hety tvit prahladzieli bolš za 57 tysiač razoŭ i pakinuli zvyš 70 kamientaryjaŭ. Zaŭvažym, što siarod ich my nie znajšli nivodnaha, dzie b vykazvałasia spačuvańnie maładym ludziam.
Najbolš upadabanym kamientaryjem źjaŭlajecca «Sumnaja historyja dla taho, kab abaranić nas? Treba być poŭnym idyjotam, kab pajechać tudy tusavacca. Niachaj ciapier siadzić u režymie svajoj rašysckaj mary».
«Niaŭžo nichto z baćkoŭ nie patłumačyŭ tym dzieciam, što jany jeduć u krainu, jakaja viadzie suprać nas aktyŭnuju hibrydnuju vajnu i źjaŭlajecca varožaj?», — dadaje inšy.
«Nu, kali ŭ vas niama mazhoŭ i vy chočacie pajechać u Biełaruś, to napierad. Naturalny vybar vatnikaŭ», — ličyć jašče adzin.
«Kali chapiła rozumu pajechać u Biełaruś, to, moža, paprosicie palityčnaha prytułku, paru hadoŭ budziecie padmiatać vulicy, čas dyktatara skončycca i vas adpuściać dachaty!» — daje parady inšy kamientatar.
«Hulajecie ŭ durnyja hulni, atrymlivajecie durnyja pryzy», — nahadvaje jašče adzin.
Niekatoryja vykazvajuć upeŭnienaść u tym, što maładym ludziam padkinuli narkotyki.
«Jašče adna amioba «ja palitykaj nie cikaŭlusia», jak i jaje znajomyja, što aryštavanyja ŭ Biełarusi. Jana i zaraz nie razumieje, što mašyna i pasažyry, chutčej za ŭsio, byli całkam čystyja ad narkotykaŭ, ale ich uziali ŭ zakładniki, kab potym Biełaruś abmianiała ich na svaich».
«Tak, jany i zaraz nie razumiejuć, što heta była vydumka biełarusaŭ, što jany ničoha tam nie znajšli, što 100% maładyja ludzi i mašyna byli čystymi. Papiaredžańnie ab tym, što treba praviarać mašyny pierad pajezdkaj, zusim zališniaje».
«Adny sapraŭdnyja idyjoty. «Mašynu treba staranna praviarać». 99,9% što travy tam nie było, čekisty sfabrykavali spravu, kab uziać u pałon hramadzian Łatvii. Prosta nie jeździcie ŭ hetuju fašysckuju pamyjku».
Stali viadomyja padrabiaznaści taho, jak u Vjetnamie zatrymali Vieramiejčyka21
Kamientary
Sto procientov byli nužny mołodyje riebiata dla vierbovki v kačiestvie špionov-diviersantov, no oni skazali karatielam "NIET" i pośle etoho poniesłoś...
Chočietsia požiełať łatyšam i niehraždanam nie posieŝať stranu iz soobražienij biezopasnosti.
97% biełarusov v stranie žiełajut Vam dobra, no učtitie, čto jesť jeŝie fašisty vo hłavie s Łukašienko, zachvativšije vłasť.