Łatvija ŭsio ž budzie puskać aŭtamabili ź biełaruskimi numarami — u asobnych vypadkach
Chacia taki varyjant nie pasuje dla častych pajezdak.
U indyvidualnym paradku dazvoł na ŭjezd u Łatviju moža dać Słužba finansavaj raźviedki — admysłovaje viedamstva, što sočyć za vykanańniem mižnarodnych sankcyjaŭ. Mienavita hety orhan razhladaje chadajnictvy.
Jak paviedamili «Biełsatu» ŭ hetaj ustanovie, dazvoł možna atrymać pry ŭmovie, kali aŭtamabil ź biełaruskimi numarami ŭvozicca ŭ Łatviju nie dla prodažu.
Prasić dazvołu mohuć:
- • hramadzianie Łatvii, jakija chočuć zajechać na svaim lehkaviku, zarehistravanym u Biełarusi;
- • hramadzianie Łatvii, jakija chočuć pryjechać na aŭtamabili, što naležyć blizkamu svajaku (rezidentu Biełarusi) i zarehistravany ŭ Biełarusi;
- • hramadzianie Biełarusi, jakija majuć dziejsnuju vizu abo vid na žycharstva i chočuć zajechać na ŭłasnaj mašynie, zarehistravanaj u Biełarusi.
Abaviazkovaja ŭmova va ŭsich hetych vypadkach — vykarystańnie transpartnaha srodku tolki ŭ asabistych metach.
Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia18
Kamientary