Sikorski: Polšča praciahvaje pracavać nad vyzvaleńniem Pačobuta
Sikorski zapeŭniŭ, što ŭvieś čas dumaje pra Pačobuta, a polski bok štodnia pradprymaje dziejańni, nakiravanyja na jaho vyzvaleńnie.
Polšča praciahvaje pracavać nad vyzvaleńniem palitviaźnia Andžeja Pačobuta. Pra heta zajaviŭ ministr zamiežnych spraŭ krainy Radasłaŭ Sikorski žurnalistam, adkazvajučy na pytańni ab abmienie źniavolenymi, jaki adbyŭsia ŭčora pamiž ZŠA, Hiermanijaj, Polščaj, Słavienijaj, Biełaruśsiu i Rasijaj. Pramoje ŭklučeńnie ad budynka MZS tranślavałasia ŭ efiry TVN24, piša Reform.news.
Pa słovach Sikorskaha, dziejańni ŭ dačynieńni da «biełaruskich palitviaźniaŭ, u tym liku Andžeja Pačobuta, praciahvajucca ŭ inšym režymie».
Sikorski zapeŭniŭ, što ŭvieś čas dumaje pra Pačobuta, a polski bok štodnia pradprymaje dziejańni, nakiravanyja na jaho vyzvaleńnie.
Pytańni ab detalach abmienu, a taksama ab udziele ŭ im Polščy ministr prapanavaŭ zadavać śpiecyjalnym słužbam i prakuratury.
U zajavie pres-sakratara ministra — kaardynatara śpiecyjalnych słužbaŭ Polščy Jaceka Dabžynskaha, apublikavanaj učora, havaryłasia, što «ŭłady Respubliki Polšča — prezident, premjer i ŭrad — pahadzilisia z prośbaj uładaŭ ZŠA, kab z zachavańniem normaŭ polskaha prava ŭklučyć u abmien asob, źniavolenych u Rasii i Biełarusi, a taksama ŭ krainach NATO aryštavanaha ŭ Polščy ŭ 2022 hodzie Paŭła Rubcova, aficera HRU, jaki realizavaŭ vyviedvalnyja zadańni na terytoryi Jeŭropy i čakaje kryminalnaha pracesu».
-
«Łukašenka nazvaŭ nas deziercirami». Historyja biełaruski, jakaja ŭ 1970‑ja ŭciakła ź biełaruskaha kałhasa ŭ Litoŭskuju SSR
-
Žycharku Maładziečna, jakaja vyjšła ź bieł-čyrvona-biełym ściaham u pieršyja dni vajny, asudzili da 3 hadoŭ kałonii
-
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca4
Kamientary