Mytny kamitet pałochaje, što ŭ Litvie kraduć biełaruskija numary z aŭto
Biełaruski Mytny kamitet vypuściŭ papiaredžańnie dla tych, chto jedzie ŭ Litvu.
«U biełaruskuju mytniu źviartajucca hramadzianie, u jakich na terytoryi Litoŭskaj Respubliki źnikajuć rehistracyjnyja znaki z pryparkavanych aŭto, a litoŭskija ŭpaŭnavažanyja orhany ihnarujuć zvaroty ab źniknieńni.
Takuju historyju raspaviała biełaruska, jakoj numarnyja znaki kantralujučyja słužby Litvy ŭsio ž taki viarnuli praź niekalki dzion. Takoje rašeńnie jany pryniali paśla paŭtornaha zvarotu pa hetym fakcie, ale ŭžo hramadzianina Litvy», — piša Mytny kamitet i nazyvaje takija dziejańni «machinacyjaj».
Chto zdymaŭ znaki z aŭtamabila, nieviadoma. Jak i toje, ci sapraŭdy masava byli takija vypadki.
Z 18 lipienia Litva ŭviała abmiežavańni na ŭjezd u krainu aŭto ź biełaruskaj rehistracyjaj. Ale da 16 žniŭnia takija aŭto jašče prapuskajucca, kali za styrnom jedzie ŭłaśnik.
Kamientary